రొమాంటిక్ హీరోగా కార్తికేయ కొత్త ప్రాజెక్ట్!

15-07-2021 Thu 18:33
advertisement

కార్తికేయ హీరోగా 'రాజా విక్రమార్క' నిర్మితమవుతోంది. ఈ సినిమాలో ఆయన విభిన్నమైన పాత్రలో నటిస్తున్నాడు. ఆయన పాత్ర స్వరూప స్వభావాలు కొత్తగా ఉంటాయి. అందువలన ఈ సినిమాపై ఆయన పూర్తి నమ్మకంతో ఉన్నాడు. ఆయన సరసన నాయికగా తాన్య రవిచంద్రన్ అలరించనుంది. ఈ సినిమా సెట్స్ పై ఉండగానే కార్తికేయ మరో ప్రాజెక్టుకి గ్రీన్ సిగ్నల్ ఇచ్చాడని అంటున్నారు. ఈ కథలో ఆయన రొమాంటిక్ హీరోగా కనిపించనున్నాడని చెప్పుకుంటున్నారు.

యూవీ క్రియేషన్స్ వారు భారీ సినిమాలు తీస్తూ వస్తున్నారు. దానికి అనుబంధ సంస్థగా యూవీ కాన్సెప్ట్స్ ను ఏర్పాటు చేసుకుని ఓ మాదిరి బడ్జెట్ సినిమాలను నిర్మిస్తున్నారు. అలా ఇటీవల వచ్చిన 'ఏక్ మినీ కథ' సక్సెస్ అయింది. దాంతో వాళ్లు మరో ప్రాజెక్టును సెట్ చేస్తున్నారు. కార్తికేయ హీరోగా ఈ సినిమా పట్టాలెక్కనుందని అంటున్నారు. ఈ సినిమాతో దర్శకుడిగా ప్రశాంత్ పరిచయం కానున్నాడు. కార్తికేయ జోడీగా 'రుహాని శర్మ'ను తీసుకున్నారట. 'డర్టీ హరి'తో యూత్ ను ఆకట్టుకున్న ఈ అమ్మాయి, అవసరాల సరసన కూడా '101 జిల్లాల అందగాడు' చేస్తోంది. కార్తికేయ కొత్త ప్రాజెక్టుపై త్వరలోనే అధికారిక ప్రకటన రానుందని అంటున్నారు.

Do you hate fake news, misleading titles, cooked up stories and cheap analyses?.. We are here for YOU: Team ap7am.com
advertisement

More Flash News
advertisement
..more
advertisement