సినిమా కబుర్లు.. సంక్షిప్త సమాచారం 

*  ఎన్టీఆర్, చరణ్ హీరోలుగా రాజమౌళి రూపొందిస్తున్న 'ఆర్ఆర్ఆర్' చిత్రం షూటింగ్ కోసం బాలీవుడ్ నటి అలియా భట్ జులై మొదటి వారం నుంచి డేట్స్ ఇచ్చినట్టు తెలుస్తోంది. ఇందులో ఆమె చరణ్ సరసన కథానాయికగా నటిస్తోంది.
*  ప్రముఖ నటుడు వెంకటేశ్ కథానాయకుడుగా శ్రీకాంత్ అడ్డాల దర్శకత్వంలో రూపొందుతున్న 'నారప్ప' చిత్రం పోస్ట్ ప్రొడక్షన్ పనులు దాదాపు పూర్తయ్యాయి. మరో వారంలో సినిమా ఫస్ట్ కాపీ వస్తుందని తెలుస్తోంది. థియేటర్లను ఓపెన్ చేయడాన్ని బట్టి రిలీజ్ డేట్ ను నిర్ణయిస్తారు.
*  ప్రస్తుతం చేస్తున్న 'ఖిలాడి' సినిమా తర్వాత రవితేజ తన తదుపరి చిత్రాన్ని శరత్ మండవ దర్శకత్వంలో చేయనున్నాడు. ఇందులో ఆయన చిత్తూరు యాసలో మాట్లాడతారని, పాత్ర ఫుల్ కామెడీగా ఉంటుందని అంటున్నారు.