అమెరికాలో కొవాగ్జిన్ కు క్లినికల్ ట్రయల్స్ నిర్వహించనున్న భారత్ బయోటెక్

12-06-2021 Sat 16:53
advertisement

కొవాగ్జిన్ కరోనా వ్యాక్సిన్ సృష్టికర్త భారత్ బయోటెక్ అమెరికాలోనూ తన వ్యాక్సిన్ ను ప్రవేశపెట్టేందుకు ప్రయత్నాలు ముమ్మరం చేసింది. కొవాగ్జిన్ కు అనుమతి కోరుతూ అమెరికా ప్రభుత్వానికి భారత్ బయోటెక్ దరఖాస్తు చేసుకున్న సంగతి తెలిసిందే. ఈ దరఖాస్తుకు మద్దతుగా కొవాగ్జిన్ కు అమెరికాలో క్లినికల్ ట్రయల్స్ నిర్వహించాలని భారత్ బయోటెక్ నిర్ణయించుకుంది. కొవాగ్జిన్ మార్కెటింగ్ అనుమతుల దరఖాస్తు ఆధారంగా అమెరికాలో క్లినికల్ ట్రయల్స్ చేపడుతున్నట్టు భారత్ బయోటెక్ వెల్లడించింది. డేటా జనరేషన్, సమాచార పారదర్శకతకు కట్టుబడి ఉన్నామని స్పష్టం చేసింది.

భారత్ లో కొవాగ్జిన్ పరిశోధనాత్మక అధ్యయనంపై సమాచారం పంచుకున్నామని పేర్కొంది. 1,2,3 దశల క్లినికల్ ట్రయల్స్ సమాచారాన్ని ఇప్పటికే అందజేశామని తెలిపింది. క్లినికల్ ట్రయల్స్ వివరాలను నియంత్రణ సంస్థలు పరిశీలించాయని భారత్ బయోటెక్ వివరించింది. టీకా భద్రత, సమర్థతపై 9 పరిశోధనాత్మక అధ్యయనాలు జరిపినట్టు వెల్లడించింది. భారత్ లో క్లినికల్ ట్రయల్స్ డేటా పంచుకున్న వ్యాక్సిన్  తమదొక్కటేనని స్పష్టం చేసింది. భారతీయులపై వ్యాక్సిన్ సమర్థత వివరాలు పంచుకున్న తొలి సంస్థ తమదేనని పేర్కొంది.

Do you hate fake news, misleading titles, cooked up stories and cheap analyses?.. We are here for YOU: Team ap7am.com
advertisement

More Flash News
advertisement
..more
advertisement