సినిమా కబుర్లు.. సంక్షిప్త సమాచారం

07-06-2021 Mon 07:31
advertisement

*  లాక్ డౌన్ కారణంగా థియేటర్లు మూతబడడంతో కొందరు నిర్మాతలు తమ సినిమాలను ఓటీటీ ప్లాట్ ఫామ్ పై రిలీజ్ చేసేస్తున్న సంగతి తెలిసిందే. ఈ క్రమంలో నగేశ్ కుకునూర్ దర్శకత్వంలో కీర్తి సురేశ్ ప్రధాన పాత్ర పోషించిన 'గుడ్ లక్ సఖి' చిత్రాన్ని కూడా ఓటీటీ ద్వారా రిలీజ్ చేయడానికి ప్రయత్నాలు జరుగుతున్నాయి. ఈ చిత్రానికి 'జీ5' భారీ రేటును ఆఫర్ చేసినట్టు తెలుస్తోంది. ఇదిలావుంచితే, కీర్తి సురేశ్ నటించిన 'పెంగ్విన్', 'మిస్ ఇండియా' సినిమాలు కూడా ఆమధ్య ఓటీటీలోనే రిలీజయ్యాయి.
*  నందమూరి బాలకృష్ణ కథానాయకుడిగా బోయపాటి శ్రీను దర్శకత్వంలో రూపొందుతున్న భారీ చిత్రం 'అఖండ' విజయదశమికి ప్రేక్షకుల ముందుకు రానుంది. ఈ చిత్రాన్ని దసరాకు రిలీజ్ చేయాలని నిర్మాతలు తాజాగా ఫిక్స్ అయినట్టు సమాచారం. ఇక ఈ చిత్రానికి సంబంధించి మరో షెడ్యూల్ షూటింగ్ మిగిలివుంది.
*  ప్రముఖ దర్శకుడు రాంగోపాల్ వర్మ దర్శకత్వంలో ప్రముఖ బాలీవుడ్ నటుడు అమితాబ్ బచ్చన్ మరోసారి నటించనున్నట్టు చెబుతున్నారు. ఈ ప్రాజక్టుకు సంబంధించిన స్క్రిప్ట్ పని ప్రస్తుతం జరుగుతున్నట్టు, వచ్చే ఏడాది ఇది సెట్స్ కు వెళ్లనున్నట్టు సమాచారం.

Do you hate fake news, misleading titles, cooked up stories and cheap analyses?.. We are here for YOU: Team ap7am.com
advertisement

More Flash News
advertisement
..more
advertisement