ఆయుష్మాన్‌ భారత్‌ విషయంలో మాట తప్పిన సీఎం కేసీఆర్‌: బండి సంజయ్‌

16-05-2021 Sun 22:51
advertisement

కరోనా మహమ్మారిని నియంత్రించడంలో తెరాస ప్రభుత్వం పూర్తిగా విఫలమైందని భాజపా తెలంగాణ శాఖ అధ్యక్షుడు బండి సంజయ్‌ ఆరోపించారు. అలాగే కేంద్రం ప్రవేశపెట్టిన ‘ఆయుష్మాన్‌ భారత్‌’లో కరోనా చికిత్సను చేర్చినట్లుగా రాష్ట్రంలో ఆరోగ్యశ్రీలోనూ చేర్చాలని డిమాండ్‌ చేశారు. ఆ దిశగా ప్రభుత్వాన్ని ఆదేశించాలని గవర్నర్‌ తమిళిసైని కోరారు.

కరోనా బారిన పడ్డ పేదలు ఇబ్బందులు ఎదుర్కొంటున్నారని గవర్నర్‌కు బండి సంజయ్ తెలియజేశారు. ఈ మేరకు ఈ-మెయిల్ ద్వారా ఆమెకు లేఖను పంపారు. అలాగే తప్పనిసరి పరిస్థితుల్లో పేదలు ప్రైవేటు ఆసుపత్రులను ఆశ్రయిస్తున్నారన్నారు. ఈ క్రమంలో ఖరీదైన చికిత్స కోసం ఆస్తులు అమ్ముకుని అప్పుల్లో కూరుకుపోతున్నారన్నారు. తెలంగాణలో 'ఆయుష్మాన్ భారత్'ను అమలు చేస్తామని చెప్పిన సీఎం కేసీఆర్‌ మాట తప్పారని విమర్శించారు.

Do you hate fake news, misleading titles, cooked up stories and cheap analyses?.. We are here for YOU: Team ap7am.com
advertisement

More Flash News
advertisement
..more
advertisement