కరోనా నెగెటివ్ సర్టిఫికెట్ లేకుండా క్రొయేషియా వెళ్లిన భారత పైలెట్లు... 40 గంటల పాటు విమానంలోనే!

15-05-2021 Sat 14:56
advertisement

కరోనా మహమ్మారి ప్రభావంతో అనేక దేశాలు తమ దేశంలో అడుగుపెట్టేవారిపై తీవ్రస్థాయిలో ఆంక్షలు విధిస్తున్నాయి. ఈ క్రమంలో నిబంధనలు పాటించకపోతే చేదు అనుభవాలు ఎదుర్కోకతప్పదు. అందుకు ఈ ఘటనే ఉదాహరణ. స్పైస్ జెట్ కు చెందిన బోయింగ్ 737 విమానం గత మంగళవారం ఢిల్లీ నుంచి క్రొయేషియా రాజధాని జాగ్రెబ్ వెళ్లింది. అయితే, ఆ స్పైస్ జెట్ విమానంలోని నలుగురు పైలెట్లను క్రొయేషియా అధికారులు తమ భూభాగంపై కాలుమోపేందుకు అంగీకరించలేదు. అందుకు కారణం వారివద్ద కొవిడ్ నెగెటివ్ సర్టిఫికెట్లు లేకపోవడమే.

స్పైస్ జెట్ యాజమాన్యం ఢిల్లీలోనే ఆర్టీ-పీసీఆర్ టెస్టులు నిర్వహించి ఉంటే వారికా ఇబ్బంది తప్పేది. కానీ, వారికి కరోనా టెస్టులు చేయకపోవడంతో క్రొయేషియాలో ఊహించని అనుభవం ఎదురైంది. ఆ నలుగురు పైలెట్లకు జాగ్రెబ్ విమానాశ్రయంలో ప్రవేశించేందుకు అనుమతి నిరాకరించారు. దాంతో వారు తమ విమానంలోనే 40 గంటల పాటు గడపాల్సి వచ్చింది.

ఆ స్పైస్ జెట్ విమానం తిరిగి భారత్ వచ్చేటప్పుడు కూడా క్రొయేషియా అధికారులు తమ నిబంధనలు వర్తింపజేశారు. ఆ విమానంలో ఎక్కేందుకు ప్రయాణికులెవరినీ అనుమతించలేదు సరికదా, కనీసం సరకు రవాణా కూడా జరపనివ్వలేదు. దాంతో, ఆ నలుగురు పైలెట్లతోనే స్పైస్ జెట్ విమానం ఖాళీగా ఢిల్లీ తిరిగొచ్చింది.

Do you hate fake news, misleading titles, cooked up stories and cheap analyses?.. We are here for YOU: Team ap7am.com
advertisement

More Flash News
advertisement
..more
advertisement