బాబాయ్ నే కాదు.. అబ్బాయ్ ను కూడా లైన్లో పెట్టేశాడట!

05-05-2021 Wed 12:00
advertisement

బాలకృష్ణ అభిమానులందరి దృష్టి ఇప్పుడు 'అఖండ' సినిమాపై ఉంది. ఈ సినిమా ఎప్పుడు విడుదలవుతుందా అని వాళ్లంతా కూడా వేయికళ్లతో ఎదురుచూస్తున్నారు. ఈ సినిమా తరువాత ఆయన గోపీచంద్ మలినేని దర్శకత్వంలో ఒక సినిమా చేయనున్నాడు. 'క్రాక్' సినిమా చూసిన బాలకృష్ణ .. గోపీచంద్ మలినేని టేకింగ్ నచ్చేసి పిలిచి మరీ అవకాశం ఇచ్చారు.

ఇక ఈ సినిమా తరువాత ప్రాజెక్టును కూడా బాలకృష్ణ లైన్లో పెట్టేశారు. ఈ సినిమాకి అనిల్ రావిపూడి దర్శకత్వం వహించనున్నాడు. నిజానికి బాలకృష్ణ 100వ సినిమాను అనిల్ రావిపూడి చేయాలని చూశాడుగానీ కుదరలేదు. ఇక ఇప్పుడు అందుకు సమయం వచ్చింది. 'ఎఫ్ 3' పూర్తయిన తరువాత బాలకృష్ణ ప్రాజెక్టుపైనే అనిల్ రావిపూడి కూర్చోనున్నాడు.

ఈ సినిమాలో కల్యాణ్ రామ్ కూడా ఒక కీలకమైన పాత్రలో కనిపించనున్నాడని అంటున్నారు. గతంలో కల్యాణ్ రామ్ కి అనిల్ రావిపూడి 'పటాస్'తో పెద్ద హిట్ ఇచ్చాడు. మళ్లీ ఇంతకాలానికి ఈ కాంబినేషన్ కూడా వర్కౌట్ కానుంది. బాబాయ్ ను .. అబ్బాయ్ ను ఒకేసారి తెరపై చూడటమనేది నందమూరి అభిమానులకు ఆనందాన్ని కలిగించే విషయమని వేరే చెప్పాలా?

Do you hate fake news, misleading titles, cooked up stories and cheap analyses?.. We are here for YOU: Team ap7am.com
advertisement

More Flash News
advertisement
..more
advertisement