రవితేజ 'ఖిలాడి' విడుదల వాయిదా!

04-05-2021 Tue 17:26

advertisement

రవితేజ కథానాయకుడిగా 'ఖిలాడి' సినిమా రూపొందుతోంది. రమేశ్ వర్మ దర్శకత్వం వహిస్తున్న ఈ సినిమా, మొదలైన దగ్గర నుంచి చకచకా షూటింగు జరుపుకుంటోంది. రవితేజ సరసన నాయికలుగా మీనాక్షి చౌదరి - డింపుల్ హయతి అలరించనున్నారు. కరోనా కారణంగా చాలా సినిమాల షూటింగులు వాయిదా వేసుకుంటున్నప్పటికీ, 'ఖిలాడి' తన పనులను చక్కబెడుతూనే వచ్చాడు. ఈ నెల 28వ తేదీన విడుదల ప్రకటించడం వలన, ఆ దిశగా తన దూకుడు చూపుతూనే వచ్చాడు. అయితే ఈ సినిమా విడుదల తేదీ కూడా వాయిదా పడిందనేది తాజా సమాచారం.

ఈ సినిమా కొత్త విడుదల తేదీని త్వరలో వెల్లడించనున్నట్టు తెలుస్తోంది. జూలైలో ఈ సినిమా ప్రేక్షకుల ముందుకు రావొచ్చుననే టాక్ ఫిల్మ్ నగర్లో వినిపిస్తోంది. ఈ ఏడాది ఆరంభంలో 'క్రాక్' సినిమాతో తొలి హిట్ ను అందుకున్న రవితేజ, చాలా వేగంగా 'ఖిలాడి' సినిమాను రెడీ చేశాడు. అయితే కరోనా ఉధృతి ఎక్కువగా ఉండటం వలన, ఈ సినిమా విడుదలను ఆపేశారు. ఈ సినిమా తరువాత శరత్ మండవ .. త్రినాథరావు నక్కిన సినిమాలను రవితేజ లైన్లో పెట్టిన విషయం తెలిసిందే.

Do you hate fake news, misleading titles, cooked up stories and cheap analyses?.. We are here for YOU: Team ap7am.com
advertisement

More Flash News
advertisement
..more
advertisement