మహేశ్ తరువాత పవన్ తోనే త్రివిక్రమ్ ప్రాజెక్ట్!

03-05-2021 Mon 18:30

advertisement

త్రివిక్రమ్ తన తాజా చిత్రాన్ని మహేశ్ బాబుతో చేయనున్నాడు. అందుకు సంబంధించిన సన్నాహాలను చేసుకుంటున్నాడు. ప్రస్తుతం పరశురామ్ దర్శకత్వంలో మహేశ్ బాబు 'సర్కారువారి పాట' సినిమా చేస్తున్నాడు. కరోనా కారణంగా ఈ సినిమా షూటింగు ఆగిపోయింది. పరిస్థితులు అనుకూలించిన తరువాతనే తిరిగి షూటింగు మొదలవుతుంది. మహేశ్ బాబు డిఫరెంట్ లుక్ తో కనిపించనున్నాడు. అందువలన ఈ సినిమా షూటింగు పూర్తయిన తరువాతనే త్రివిక్రమ్ సినిమా షూటింగు మొదలుకానుంది.

మహేశ్ బాబుతో తన సినిమాను పూర్తి చేసిన త్రివిక్రమ్, ఆ తరువాత పవన్ తో సెట్స్ పైకి వెళ్లనున్నట్టు తెలుస్తోంది. ఇటీవలే ఈ టాక్ బయటికి వచ్చింది. ఆ వార్త నిజమేనని చెప్పుకుంటున్నారు. హారిక అండ్ హాసిని బ్యానర్లో ఈ సినిమా ఉంటుందని అంటున్నారు. ప్ర్రస్తుతం క్రిష్ దర్శకత్వంలో 'హరిహర వీరమల్లు' .. 'సాగర్ కె.చంద్ర దర్శకత్వంలో మలయాళ సినిమా రీమేక్ లో పవన్ చేస్తున్నాడు. ఆ తరువాత హరీష్ శంకర్ ప్రాజెక్టు లైన్లో ఉంది. ఈ మూడు సినిమాలు పూర్తయిన తరువాతనే పవన్ - త్రివిక్రమ్ ప్రాజెక్టు పట్టాలెక్కుతుందని అంటున్నారు.

Do you hate fake news, misleading titles, cooked up stories and cheap analyses?.. We are here for YOU: Team ap7am.com
advertisement

More Flash News
advertisement
..more
advertisement