కశ్మీర్‌లో మరోసారి రెచ్చిపోయిన ఉగ్రమూకలు

29-03-2021 Mon 20:11
advertisement

జమ్మూ కశ్మీర్‌లో ఉగ్రవాదులు మరోసారి ఘాతుకానికి తెగబడ్డారు. బారాముల్లా జిల్లా సోపోర్‌లో మున్సిపల్ కార్యాలయంపై దాడి చేశారు. సమావేశంలో ఉన్న  కౌన్సిలర్, పోలీస్ అధికారిని కాల్చి చంపారు. ముష్కరుల కాల్పుల్లో మరో కౌన్సిలర్ తీవ్రంగా గాయపడ్డారు. సోమవారం మధ్యాహ్నం ఈ ఘటన చోటు చేసుకుంది. ఆ ప్రాంతాన్ని తమ అధీనంలోకి తీసుకున్న భద్రతా బలగాలు ముష్కరుల కోసం గాలిస్తున్నారు.

ఉగ్రవాదుల కాల్పుల్లో మరణించిన పోలీస్ అధికారి షఫ్కత్ అహ్మద్, కౌన్సిలర్ రియాజ్ అహ్మద్ మృతి పట్ల కశ్మీర్‌ ఐజీ విజయ్ కుమార్ సంతాపం వ్యక్తం చేశారు. మరో కౌన్సిలర్ షంషుద్దీన్ పీర్‌కు మెరుగైన చికిత్స అందుతోందని తెలిపారు.

Do you hate fake news, misleading titles, cooked up stories and cheap analyses?.. We are here for YOU: Team ap7am.com
advertisement

More Flash News
advertisement
..more
advertisement