సినిమా కబుర్లు.. సంక్షిప్త సమాచారం

11-01-2021 Mon 07:27
advertisement

*  తమన్నా, సత్యదేవ్ జంటగా నటిస్తున్న 'గుర్తుందా శీతాకాలం' చిత్రం షూటింగ్ ప్రస్తుతం బెంగళూరులో జరుగుతోంది. నిన్నటి నుంచి కథానాయిక తమన్నా కూడా ఈ సినిమా షూటింగులో పాల్గొంటోంది. కన్నడలో వచ్చిన 'లవ్ మాక్ టైల్' సినిమా ఆధారంగా రూపొందుతున్న ఈ చిత్రానికి నాగశేఖర్ దర్శకత్వం వహిస్తుంన్నాడు.
*  చిరంజీవి హీరోగా కొరటాల శివ దర్శకత్వంలో రూపొందుతున్న 'ఆచార్య' చిత్రం షూటింగ్ ఫిబ్రవరి నెలాఖరుకి పూర్తవుతుంది. కాగా, చిత్రాన్ని మీ 9న రిలీజ్ చేయాలని నిర్మాతలు భావిస్తున్నట్టు తెలుస్తోంది. గతంలో చిరంజీవి నటించిన 'జగదేకవీరుడు అతిలోక సుందరి' చిత్రం విడుదలైన ఆ తేదీని మెగాస్టార్ నిర్మాతలు సెంటిమెంటుగా భావిస్తారు.
*  ప్రముఖ దర్శకుడు తేజ దర్శకత్వంలో గోపీచంద్ హీరోగా రూపొందే 'అలిమేలుమంగ వెంకటరమణ' చిత్రం షూటింగు వచ్చే నెలలో మొదలవుతుంది. ఇందులో కథానాయికగా ఎవరు నటిస్తారన్నది ఇంకా ఖరారు కాలేదు. తాప్సి, కీర్తి సురేశ్ పేర్లు మాత్రం వినిపిస్తున్నాయి.
*  బెల్లంకొండ శ్రీనివాస్ హీరోగా సంతోష్ శ్రీనివాస్ దర్శకత్వంలో రూపొందిన 'అల్లుడు అదుర్స్' సినిమా ఒకరోజు ముందుగానే ప్రేక్షకుల ముందుకు వస్తోంది. మొదట్లో ఈ చిత్రాన్ని ఈ నెల 15న రిలీజ్ చేయాలని నిర్ణయించినప్పటికీ, ఒకరోజు ముందుగా అంటే 14నే విడుదల చేయాలని నిర్మాతలు తాజాగా నిర్ణయించారు.

Do you hate fake news, misleading titles, cooked up stories and cheap analyses?.. We are here for YOU: Team ap7am.com
advertisement

More Flash News
advertisement
..more
advertisement