'జాంబిరెడ్డి' ట్రైలర్‌ విడుదల.. అల‌రిస్తోన్న క‌రోనా డైలాగులు

యంగ్ రెబ‌ట్ స్టార్ ప్ర‌భాస్  చేతుల మీదుగా తాజాగా 'జాంబి రెడ్డి' సినిమా ట్రైలర్‌ను విడుద‌ల చేశారు. క‌రోనా గురించి ప్ర‌ధాని మోదీ చెప్పిన జాగ్ర‌త్త‌ల వీడియోతో ఈ ట్రైల‌ర్ ప్రారంభం అవుతోంది. రాయలసీమ నేపథ్యంలో కథ సాగుతుంది. క‌రోనా డైలాగుల‌తో ఆద్యంతం ఆసక్తికరంగా ఈ ట్రైల‌ర్ కొనసాగుతోంది.

తెలుగులో జాంబి జానర్ సినిమా రావ‌డం ఇదే తొలిసారి. ఈ సంక్రాంతికి అల్లుళ్లు కాకుండా జాంబీలు వస్తున్నారంటూ డైలాగులు ఉన్నాయి. పూర్తి వినోదాత్మ‌కంగా ఈ సినిమా సీన్లు ఉండ‌నున్న‌ట్లు తెలుస్తోంది. యాపిల్‌ ట్రీ స్టూడియోస్‌ బ్యానర్‌పై రాజ్‌ శేఖర్‌ వర్మ ఈ సినిమాను నిర్మించారు.