కొత్త బావ కోసం బారాత్... ఫొటోలు పంచుకున్న వరుణ్ తేజ్

ఇటీవలే మెగా కుటుంబంలో పెళ్లి సందడి ముగిసింది. నాగబాబు తనయ నిహారిక వివాహం మాజీ ఐజీ కుమారుడు జొన్నలగడ్డ చైతన్యతో జరిగింది. రాజస్థాన్ లోని ఉదయ్ పూర్ ప్యాలెస్ ఈ పెళ్లికి వేదికగా నిలిచింది. ఈ క్రమంలో, నిహారిక సోదరుడు వరుణ్ తేజ్ ఈ పెళ్లి బారాత్ ఫొటోలను సోషల్ మీడియాలో పంచుకున్నారు. 'కొత్త బావ కోసం బారాత్' అంటూ ట్వీట్ చేశారు. ఓ జీపులో చైతన్య ఊరేగింపుగా వస్తుండగా, వరుణ్ తేజ్, సాయితేజ్ తదితరులు ఎంతో ఉత్సాహంగా డ్యాన్సులు చేస్తుండడం ఆ ఫొటోల్లో చూడొచ్చు.