నన్ను ఫాలో అవ్వండి... అంటూ సచిన్ కు దారిచూపిన ఆటోవాలా!

27-11-2020 Fri 20:20
advertisement

భారత క్రికెట్ చరిత్రలో సచిన్ టెండూల్కర్ ఓ లెజెండ్. మంత్రందండం వంటి తన బ్యాట్ తో బంతికి బౌండరీ దారి చూపిన ఈ మహోన్నత క్రికెటర్ కు ముంబయి ట్రాఫిక్ లో ఓ ఆటోవాలా దారి చూపిన వైనం ఆసక్తి కలిగిస్తోంది. ఓ పని మీద ముంబయి శివారు ప్రాంతానికి వెళ్లిన సచిన్ కు అక్కడంతా గందరగోళంగా అనిపించింది. తిరిగి హైవే చేరుకోవాలంటే ఎటు వెళ్లాలో అర్థం కాక అయోమయానికి గురయ్యారు. దాంతో హైవే చేరుకోవాలంటే ఎటువైపు వెళ్లాలని ఓ ఆటో డ్రైవర్ ను అడిగారు.

అయితే, తనను రూట్ చెప్పమని అడిగింది క్రికెట్ గాడ్ కావడంతో ఆ ఆటోవాలా ఉబ్బితబ్బిబ్బయిపోయాడు. ఇంకేమీ ఆలోచించకుండా, "నన్ను ఫాలో అవ్వండి... నా ఆటో వెనుకే రండి" అంటూ బదులిచ్చాడు. అంతేకాదు, తన ఆటోను హైవే దిశగా తీసుకెళ్లి సచిన్ కు దారి చూపించాడు. ఆ ఆటోనే ఫాలో అయిన సచిన్ చివరికి హైవే చేరుకుని హమ్మయ్య అనుకున్నారు. ఆ ఆటోవాలాకు ఓ సెల్ఫీ ఇచ్చి సంతోషం కలిగించారు.

కాగా ఈ ఘటన గత జనవరిలో చోటుచేసుకోగా, ప్రముఖ పాత్రికేయుడు రాజ్ దీప్ సర్దేశాయ్ దీనికి సంబంధించిన వీడియోను పంచుకున్నారు.

Do you hate fake news, misleading titles, cooked up stories and cheap analyses?.. We are here for YOU: Team ap7am.com
advertisement

More Flash News
advertisement
..more
advertisement