వైష్ణవ్ తేజ్ కి జోడీగా రకుల్ ప్రీత్ సింగ్!
Advertisement .b
నిన్నటివరకు స్టార్ హీరోల సరసన పలు చిత్రాలలో నటించిన అగ్రశ్రేణి కథానాయిక రకుల్ ప్రీత్ సింగ్ ఇప్పుడు వైష్ణవ్ తేజ్ కి జోడీగా ఓ చిత్రంలో నటిస్తోంది. చిరంజీవి మేనల్లుడు, హీరో సాయితేజ్ తమ్ముడు అయిన వైష్ణవ్ తేజ్ తొలిచిత్రం 'ఉప్పెన'. అది ఇంకా విడుదల కాకుండానే మరో సినిమాలో నటించడానికి అతనికి అవకాశం వచ్చింది. ప్రముఖ దర్శకుడు క్రిష్ దర్శకత్వంలో ఈ చిత్రం రూపొందుతోంది. ఇందులో కథానాయికగా రకుల్ ని ఎంచుకున్నారు.

మరోపక్క, పవన్ కల్యాణ్ తో తాను చేస్తున్న భారీ చిత్రానికి బ్రేక్ రావడంతో, ఈ గ్యాప్ లో వైష్ణవ్ తేజ్ తో ఓ చిన్న సినిమా చేయాలని క్రిష్ ప్లాన్ చేశాడు. ఈ చిత్రం షూటింగ్ ఈ రోజు హైదరాబాదులో లాంఛనంగా ప్రారంభమైంది. రేపటి నుంచి రెగ్యులర్ షూటింగ్ నిర్వహించి, సింగిల్ షెడ్యూల్ లో దీనిని పూర్తిచేయాలని క్రిష్ భావిస్తున్నారు. అందుకు తగ్గట్టుగా నిర్మాణ కార్యక్రమాలను ప్లాన్ చేసుకున్నారు.
Fri, Aug 14, 2020, 04:10 PM
ఈ వార్తను గ్రూప్ లో షేర్ చేయండి
Do you hate Fake News, Misleading Titles, Cooked up Stories and Cheap Analyses?... We are here for YOU: Team ap7am.com
Advertisement .b
Advertisement .b
Copyright © 2020; www.ap7am.com
Privacy Policy | Desktop View