కరోనా మహమ్మారి ఎన్నడూ లేనంత బాధను కలిగిస్తున్న వేళ... అమెరికా తీరు ఎలా మారిందంటే..!

07-04-2020 Tue 10:32
What America Changed form Corona Virus

 ఇటీవలి కాలంలో అమెరికా అధ్యక్షుడు డొనాల్డ్ ట్రంప్, నిత్యమూ సుదీర్ఘ మీడియా సమావేశాలను నిర్వహిస్తున్నారు. అమెరికాలో 2.9 కోట్ల హైడ్రాక్సీ క్లోరోక్విన్ టాబ్లెట్ల నిల్వలు ఉన్నాయని భరోసా ఇచ్చారు. అసలు ఈ ఔషధం కరోనాను పూర్తిగా నియంత్రిస్తుందని ఇంతవరకూ ఎక్కడా నిరూపితం కాలేదు. ఇదే సమయంలో చికిత్సకు మాత్రం ఉపకరిస్తోంది. ట్రంప్ మాట్లాడిన అనంతరం, మీడియా ఈ ఔషధంపై ప్రశ్నిస్తుంటే, వారికి సమాధానం ఇచ్చేందుకు నేషనల్ ఇనిస్టిట్యూట్ ఆఫ్ అలర్జీ అండ్ ఇన్ఫెక్టియస్ డిసీజస్ డైరెక్టర్ డాక్టర్ ఆంధోనీ ఫౌసీకి అనుమతి లభించలేదు.

ఇప్పటికి ఇంకా హైడ్రాక్సీ క్లోరోక్విన్ టాబ్లెట్, కరోనాను ఎదుర్కొంటుందని ఎక్కడా తేలకపోవడమే డాక్టర్ ఫౌసీ సమాధానం ఇవ్వకుండా అడ్డుకున్నందుకు కారణమేమో. ఈ డ్రగ్ ను ఇప్పటికే అమెరికాలో సాధారణ ప్రజలకు అందుబాటులో లేకుండా చేశారు. ఇప్పుడు కరోనా రోగులకు కూడా ఇది లభించడం లేదన్న వాదన వినిపిస్తోంది. వాస్తవానికి ట్రంప్ చెప్పిన విధంగా కరోనా వైరస్ ట్రీట్ మెంట్ కు ఈ డ్రగ్ ను ఎఫ్డీఏ ఇంతవరకూ ఆమోదించలేదు. డొనాల్డ్ ట్రంప్ కు డాక్టర్ ఫౌసీ విధేయుడు కాదు. ఆయన భజనపరుల్లా ప్రతి దానికీ తందాన తాన అనే రకం కాదు. ఇది గతంలోనే వెల్లడైంది. అందుకే, ట్రంప్ ఒకటి మాట్లాడిన తరువాత దానికి భిన్నంగా ఫౌసీ ఎక్కడ మాట్లాడతాడో అన్న అనుమానంతోనే ఆయనని వారించడం జరిగింది.

ఇక, అమెరికాలో హైడ్రాక్సీ క్లోరోక్విన్ నిల్వలు అంతరించిపోవడానికి మరో కారణం, ప్రజలు దీన్ని విరివిగా కొనుగోలు చేసి స్టాక్ పెట్టుకోవడమే. అమెరికా అధ్యక్షుడు సైతం ఈ టాబ్లెట్లను వాడారు. ఈ విషయాన్ని ఆయనే స్వయంగా చెప్పారు కూడా. ఇప్పుడు అమెరికాలో అవసరం ఉన్నా, లేకున్నా, మలేరియా చికిత్సలో వాడే ఔషధానికి ఎనలేని డిమాండ్ వచ్చి పడింది.

ఇక యూఎస్ ముందున్న మరో సమస్య మాస్క్ లు. ఇవి ఎక్కడ కనిపించినా, అక్కడికి చోరులు వాలిపోతున్నారు. చైనా నుంచి జర్మనీకి వెళుతున్న 2 లక్షల ఎన్-95 మాస్క్ లున్న విమానాన్ని అమెరికాకు మళ్లించారన్న వార్త ఈ నెల 3వ తేదీన కలకలమే రేపింది. బెర్లిన్ పోలీస్ ఫోర్స్ ఈ మాస్క్ లను తమ దేశ అవసరాల కోసం ఆర్డర్ ఇచ్చింది. జర్మనీలో ఇప్పటికే కరోనా పాజిటివ్ కేసులు లక్ష దాటాయి. ప్రపంచంలోనే కరోనా సోకిన నాలుగో అతిపెద్ద దేశంగా జర్మనీ నిలిచింది.

అమెరికా అధ్యక్షుడి వ్యాఖ్యలు, ఆయన వైఖరి అమెరికన్ల మనస్తత్వాన్ని మార్చివేశాయి. దీని కారణంతోనే యూఎస్ లో ఇప్పుడు మాస్క్ లకు, హైడ్రాక్సీ క్లోరోక్విన్ కు కొరత ఏర్పడింది. ఇతరులు వ్యాధితో బాధపడుతూ ఉంటే, తమకు పట్టదన్న సంకేతాలను అమెరికన్లు బయటి ప్రపంచానికి పంపుతున్న పరిస్థితి. తమ ప్రయోజనమే తప్ప, ఇతరుల కష్టాన్ని వారు పట్టించుకోవడం లేదు.

మరో రకంగా చెప్పాలంటే, అమెరికాలో ఇప్పుడు రాష్ట్రాల మధ్య కూడా పోరు సాగుతోంది. న్యూయార్క్ కు వెంటిలేటర్లు చాలినంతగా రాకపోవడానికి కూడా ట్రంపే కారణమని ఈ ప్రాంతంలోని అమెరికన్లు ఆగ్రహంతో ఉన్నారు. చైనా 1000 వెంటిలేటర్లను పంపినా, వాటి అవసరం ఎంతో ఉన్న న్యూయార్క్ కు మాత్రం చేరలేదు. చాలినంతగా వైద్య పరికరాలను పంపిస్తామని ప్రభుత్వం నుంచి న్యూయార్క్ కు భరోసా కూడా లభించక పోవడం గమనార్హం.

మొత్తం మీద కరోనా వైరస్ కారణంగా తెలిసొచ్చిందేమిటంటే, ఈ ప్రపంచంలో సరిహద్దులు, గిరిగీతలు ఏ మాత్రం ఉపయోగపడవు. ఒక దేశానికి కష్టం వస్తే, అది మరో దేశానికి పాకుతుంది. దీంతో ఒకరి మౌలిక వసతులను మరొకరు దొంగిలించాలని చూస్తారు. ఆరోగ్యం, రక్షణ, సంక్షేమం తదితర రంగాల్లో ఓ ప్రాంతంలో ఏర్పడే కొరత, మిగతా ప్రాంతానికీ విస్తరిస్తుంది. ఇప్పుడు ఆ పాపం ఆ దేశ ప్రజలకు చుట్టుకుంది. దీన్ని అమెరికా అధ్యక్షుడు ఎన్నటికీ అంగీకరించరు. అంగీకరించరు కూడా.

ఒకవేళ, హైడ్రాక్సీ క్లోరోక్విన్ ఔషధం అద్భుతంగా పనిచేసి, కరోనాను పారద్రోలుతుందని ఇప్పుడు తేలినా, అమెరికాలో ఏమీ చేయలేని పరిస్థితి నెలకొని వుందనడంలో సందేహం లేదు. ఫ్రాన్స్ కు రావాల్సిన మాస్క్ లను అమెరికా ఎలాగైతే దొంగిలించిందో, అమెరికన్లు తమ తోటి వారికి అవసరమైన ఈ ముఖ్యమైన డ్రగ్ ను దొంగిలిస్తున్నారు. అంటే, ప్రభుత్వానికి, ప్రజలకు తేడా ఏమీ లేదు. దీర్ఘ దృష్టి లేని నేత పరిపాలనలో అంతే కదా?

ఈ పరిస్థితుల్లో కోరుకునేది ఒక్కటే. ట్రంప్ చుట్టూ ఉన్నవారు ఆయన మనసు మార్చాలి. ఈ ప్రపంచంలో అమెరికా తిరుగులేనిదన్న భావన పోవాలి. అమెరికా మాత్రమే స్వయం ప్రతిపత్తిగల దేశమన్న ఆలోచన ఆయన మనసును వీడాలి. నలుగురితో కలిసి వైరస్ పై పోరుకు సిద్ధమైతే, అమెరికా బాగుపడుతుందనడంలో సందేహం లేదు.

..Read this also
సరిహద్దులో శాంతికి చైనా విఘాతం కలిగిస్తే ద్వైపాక్షిక సంబంధాలపై ప్రభావం పడుతుంది: విదేశాంగ మంత్రి జై శంకర్
  • ఇరు దేశాల మధ్య సంబంధాలు సాధారణమైనవి కావన్న మంత్రి
  • సరిహద్దుల్లో అశాంతితో అవి మరింత క్లిష్టంగా మారతాయని వ్యాఖ్య
  • చైనా-తైవాన్ మధ్య ఉద్రిక్తతపై తొలిసారి స్పందించిన భారత్


..Read this also
ఇక మాస్కులు ధరించక్కర్లేదంటున్న ఉత్తర కొరియా
  • కరోనాపై విజయం సాధించినట్టు ఇటీవలే ప్రకటన  
  • తమ దేశంలో కరోనా వ్యాప్తికి దక్షిణ కొరియా కుట్ర చేసిందని ఆరోపణ
  • ఆ దేశ అధికారులను తుడిచిపెట్టేస్తామని హెచ్చరిక  

..Read this also
మాంటినిగ్రోలో దారుణం.. వీధిలో యథేచ్ఛగా దుండగుడి కాల్పులు.. 11 మంది మృతి
  • ఇంట్లో గొడవపడి వీధిలోకి వచ్చి కాల్పులు
  • మృతుల్లో ఇద్దరు చిన్నారులు
  • పోలీసుల కాల్పుల్లో నిందితుడి హతం


More Latest News
PM Modi hots Commonwealth Games medalists at his residence in Delhi
ap minister gummanuru jayaramfires on chandrababu and lokesh
Delhi Boy killed on busy road for urinating on wall
TDP leaders slams YCP govt over Gorantla Madhav issue
Ex NCB officer Sameer Wankhede gets clean chit in certificate case
Amit shah hoists National flag at home
Oscars official page honours Aamir Khans Laal Singh Chaddha in special way
addanki dayakar says sorry to mp komatireddy venkatreddy again
India China relation will be impacted if peace in border areas is disturbed says EAM Jaishankar
lomatireddy venkat reddy rfesponds on revanth reddy sorry
congress chief sonia gandhi tests possitive for corona once again
revanth reddy tests possitive for corona and distance from munugodu padayatra
Cheteshwar Pujara hits in 79 balls Ton In Royal London One Day Cup
Macharla Niyojakavargam movie update
..more