'అల్లరి' నరేశ్ హీరోగా కొత్త సినిమా 
Advertisement
రాజేంద్రప్రసాద్ తరువాత తెలుగు తెరపై ఆ స్థాయి కామెడీని పరుగులు తీయించిన హాస్య కథానాయకుడిగా 'అల్లరి' నరేశ్ కనిపిస్తాడు. కామెడీ హీరోగా చాలా వేగంగా 50 సినిమాలను పూర్తి చేసిన 'అల్లరి' నరేశ్, ఈ మధ్య వచ్చిన 'మహర్షి'లో ఒక ముఖ్యమైన పాత్రను పోషించాడు. ఇక ప్రస్తుతం హీరోగా ఆయన 'బంగారు బుల్లోడు' చేస్తున్నాడు. ఈ సినిమా సెట్స్ పై ఉండగానే ఆయన మరో సినిమాను అంగీకరించాడు.

విజయ్ కనకమేడల దర్శకత్వం వహించనున్న ఈ సినిమాకి, సతీశ్ వేగేశ్న నిర్మాతగా వ్యవహరించనున్నారు. ఎస్ వీ 2 బ్యానర్ పై ఈ సినిమా నిర్మితం కానున్నట్టు తాజాగా ప్రకటించారు. ఒక విభిన్నమైన కాన్సెప్ట్ తో రూపొందే ఈ సినిమాకి ఇంకా టైటిల్ ను ఖరారు చేయలేదు. ఈ ప్రాజెక్టుకి సంబంధించిన పూర్తి వివరాలు త్వరలో తెలియనున్నాయి.
Tue, Nov 12, 2019, 01:22 PM
Advertisement
Advertisement
Copyright © 2019; www.ap7am.com
Privacy Policy | Desktop View