నాకు అన్నీ మా నాన్నే .. నా బర్త్ డే రోజునే ఆయన పోయారు: సీనియర్ హీరోయిన్ రాశి
Advertisement
తాజాగా 'ఆలీతో సరదాగా' కార్యక్రమంలో రాశి మాట్లాడుతూ, తన జీవితంలో తనకి ఎదురైన ఒక విషాద సంఘటనను గురించి ప్రస్తావించారు. "నేను సినిమాల్లోకి వెళ్లాలనేది నాన్న పట్టుదలే. ఆయన కారణంగానే నేను అంచెలంచెలుగా ఎదుగుతూ వచ్చాను. నా సంతోషం .. బాధ అన్నీ కూడా మా నాన్నతోనే షేర్ చేసుకునే దానిని. షూటింగ్ నిమిత్తం నేను ఎక్కడ వున్నా, ఆయన కాల్ చేసేవారు.

ఆ రోజున నేను ఊటీలో వున్నాను .. విజయకాంత్ తమిళ సినిమా షూటింగ్ జరుగుతోంది. ఆ రోజున నా పుట్టినరోజు కావడంతో, యూనిట్ సభ్యులు కేక్ కటింగ్ ఏర్పాట్లు చేస్తున్నారు. ముందురోజు రాత్రి నాన్న కాల్ చేయలేదు .. ఆ విషయాన్ని గురించే ఆలోచిస్తున్నాను. మనసు ఏదో కీడు శంకిస్తోంది. అంతలో మా అన్నయ్యకి కాల్ వచ్చింది. ఆయన కాల్ మాట్లాడేసి .. 'నాన్న చనిపోయారట' అన్నాడు. అంతే.. ఆ షాక్ నుంచి నేను తేరుకోలేదు. అప్పటి నుంచి ఇప్పటివరకూ నేను బర్త్ డే జరుపుకో లేదు" అని చెప్పుకొచ్చారు.
Tue, Nov 12, 2019, 10:52 AM
Advertisement
Advertisement
Copyright © 2019; www.ap7am.com
Privacy Policy | Desktop View