సింగిల్స్ డే సందర్భంగా 'సోలో బ్రతుకే సో బెటర్' నుంచి కొత్త పోస్టర్
Advertisement .a
మొదటి నుంచి కూడా యూత్ ను .. మాస్ ఆడియన్స్ ను దృష్టిలో పెట్టుకుని సినిమాలు చేస్తూ వచ్చిన సాయిధరమ్ తేజ్, వరుస పరాజయాలు ఎదురవడంతో, ఆ తరువాత కథల్లో ఫ్యామిలీ ఎమోషన్స్ కూడా ఉండేలా చూసుకుంటున్నాడు. అలా రూపొందుతున్న 'ప్రతిరోజూ పండగే' సినిమా వచ్చేనెల 20వ తేదీన విడుదల కానుంది. ఆ తరువాత సినిమాను కూడా ఆయన లైన్లో పెట్టేశాడు.

ఈ సారి యూత్ కి సంబంధించిన అంశాలు కాస్తంత ఎక్కువగా వుండేలా చూసుకుని, 'సోలో బ్రతుకే సో బెటర్' అనే సినిమా చేస్తున్నాడు. బీవీఎస్ఎన్ ప్రసాద్ నిర్మిస్తున్న ఈ సినిమాలో, తేజు జోడీగా నభా నటేశ్ నటించనుంది. 'హ్యాపీ సింగిల్స్ డే' అంటూ ఈ సినిమా నుంచి తేజు ఒక పోస్టర్ వదిలాడు. ఈ పోస్టర్ లో స్టైలిష్ లుక్ తో ఆయన కనిపిస్తున్నాడు. సుబ్బు దర్శకుడిగా పరిచయమవుతున్న ఈ సినిమాకి, తమన్ సంగీతాన్ని అందిస్తున్నాడు. బహుశా వచ్చే వేసవి సెలవుల్లో ఈ సినిమా ప్రేక్షకుల ముందుకువచ్చే అవకాశాలు కనిపిస్తున్నాయి.
Mon, Nov 11, 2019, 03:23 PM
ఈ వార్తను గ్రూప్ లో షేర్ చేయండి
Do you hate Fake News, Misleading Titles, Cooked up Stories and Cheap Analyses?... We are here for YOU: Team ap7am.com
Advertisement .b
Advertisement .b
Copyright © 2020; www.ap7am.com
Privacy Policy | Desktop View