చిరూ 153వ సినిమాకి దర్శకుడిగా సుకుమార్?
Advertisement
చిరంజీవి కథానాయకుడిగా ఇటీవల ప్రేక్షకుల ముందుకు వచ్చిన 'సైరా' భారీ విజయాన్ని నమోదు చేసింది. చిరంజీవి అభిమానుల అంచనాలను అందుకుంది. దాంతో చిరంజీవి తన తదుపరి ప్రాజెక్టుగా 152వ సినిమాపై దృష్టిపెట్టారు. కొరటాల శివ దర్శకత్వంలో ఈ సినిమా రూపొందనుంది. సామాజిక సందేశంతో కూడిన వినోదభరితమైన కథ ఇది. ఈ సినిమాను సెట్స్ పైకి తీసుకెళ్లడానికి ప్రయత్నాలు జరుగుతున్నాయి.

ఆ సినిమా పూర్తయ్యేలోగా మరో ప్రాజెక్టును సిద్ధంగా ఉంచాలనే ఉద్దేశంతో చిరంజీవి - చరణ్ వున్నారు. మలయాళంలో ఈ మధ్య మోహన్ లాల్ చేసిన సూపర్ హిట్ మూవీ 'లూసిఫర్'ను తెలుగులో రీమేక్ చేయాలనే ఆలోచనలో వున్నారు. ఇందుకోసం తెలుగు రీమేక్ రైట్స్ ను చరణ్ సొంతం చేసుకోవడం జరిగిపోయింది. ఈ రీమేక్ కి దర్శకుడిగా సుకుమార్ పేరు వినిపిస్తోంది. 'రంగస్థలం' బ్లాక్ బస్టర్ అయిన దగ్గర నుంచి మెగా ఫ్యామిలీతో సుకుమార్ కి సాన్నిహిత్యం ఏర్పడిన సంగతి తెలిసిందే.
Mon, Oct 14, 2019, 05:37 PM
Advertisement
Advertisement
Copyright © 2019; www.ap7am.com
Privacy Policy | Desktop View