పూణే టెస్ట్... టాస్ గెలిచి బ్యాటింగ్ ఎంచుకున్న భారత్!
Advertisement
దక్షిణాఫ్రికాతో పూణేలో జరుగుతున్న రెండో టెస్ట్ లో టాస్ గెలిచిన భారత జట్టు కెప్టెన్ విరాట్ కోహ్లీ బ్యాటింగ్ ను ఎంచుకున్నాడు. విశాఖలో జరిగిన తొలి టెస్టులో సాధించిన విజయంతో ఉత్సాహంతో ఉన్న భారత జట్టు, ఈ మ్యాచ్ లో గెలిచి, సిరీస్ ను సాధించాలన్న పట్టుదలతో ఉంది.

టాస్ గెలిచిన అనంతరం కోహ్లీ మాట్లాడుతూ, విశాఖ పిచ్ తో పోలిస్తే, పూణే పిచ్ మరింత హార్డ్ గా ఉందని, రివర్స్ సీమ్ కు అనుకూలిస్తుందని భావిస్తున్నామని అన్నాడు. ఈ కారణంతో హనుమ విహారి స్థానంలో ఉమేశ్ యాదవ్ ను తుది జట్టులోకి తీసుకున్నామని తెలిపాడు. షమీ, ఉమేశ్ లు ఈ పిచ్ పై మరింత పదునైన బాల్స్ వేయగలరని నమ్ముతున్నామని అభిప్రాయపడ్డాడు.

ఇక దక్షిణాఫ్రికా కెప్టెన్ డుప్లెసిస్ మాట్లాడుతూ, ఈ పిచ్ పై తొలుత బౌలింగ్ చేయడం తమకేమీ ఇబ్బంది కలిగించే అంశమేమీ కాదన్నాడు. తొలి ఇన్నింగ్స్ లో భారత జట్టును సాధ్యమైనంత తక్కువ పరుగులకు అవుట్ చేసేందుకు ప్రయత్నిస్తామన్నారు. కాగా, ఈ మ్యాచ్ కెప్టెన్ గా విరాట్ కోహ్లీకి 50వ మ్యాచ్ కావడం గమనార్హం. ఈ సంవత్సరంలో టెస్ట్ మ్యాచ్ లలో ఇంతవరకూ ఒక్క సెంచరీని కూడా సాధించని కోహ్లీ, ఈ మ్యాచ్ లో ఆ కోరికను నెరవేరుస్తాడని అభిమానులు అంచనా వేస్తున్నారు.
Thu, Oct 10, 2019, 09:07 AM
Advertisement
Advertisement
Copyright © 2019; www.ap7am.com
Privacy Policy | Desktop View