అచ్చం మన భూమిలాగే.. సూదూర గ్రహంపై నీటి జాడను కనుగొన్న శాస్త్రవేత్తలు!

12-09-2019 Thu 15:32
advertisement

‘మనలాంటి తెలివైన గ్రహాంతర జీవులు ఈ విశ్వంలో ఉన్నాయా?’.. 21వ శతాబ్దంలో మనిషిని తీవ్రంగా వేధిస్తున్న ప్రశ్న ఇది. అదే సమయంలో భూమిపై సహజ వనరులు తరిగిపోతే, భూమిలాగే ఉండే మరో గ్రహాన్ని వెతికేందుకు ఖగోళ శాస్త్రవేత్తలు తమ అన్వేషణ కొనసాగిస్తూనే ఉన్నారు.

ఈ నేపథ్యంలో మరో సౌర వ్యవస్థలో అచ్చం భూమిలాగే నీటి జాడ ఉండే గ్రహాన్ని శాస్త్రవేత్తలు గుర్తించారు. దీనికి ‘కే2-18బీ’గా శాస్త్రవేత్తలు నామకరణం చేశారు. ఈ గ్రహం ద్రవ్యరాశి భూమికి 8 రెట్లు అధికంగా ఉందని తెలిపారు. హబుల్ టెలిస్కోప్ ద్వారా ఈ గ్రహంపై నీటి ఆవిరి జాడలు ఉన్నట్లు గుర్తించామని వెల్లడించారు.

ఈ గ్రహంపై నెఫ్ట్యూన్ తరహాలో మంచు గడ్డకట్టి ఉండొచ్చనీ, లేదంటే హైడ్రోజన్ అధికంగా ఉండే వాతావరణం అయ్యుంటుందని అభిప్రాయపడ్డారు. భూమితో పోల్చుకుంటే ఈ గ్రహం తన నక్షత్రానికి ఏడు రెట్లు దగ్గరగా ఉందనీ, అయినా ఈ  ‘కే2-18బీ’ నివాసయోగ్యంగానే ఉంటుందని చెప్పారు. ఇక్కడ ఉష్ణోగ్రత మైనస్ 116 ఫారిన్ హీట్ నుంచి 100 ఫారిన్ హీట్ వరకూ ఉంటుందని పేర్కొన్నారు.

ఈ గ్రహాన్ని నాసా 2015లో గుర్తించిందని శాస్త్రవేత్తలు చెప్పారు. ఈ గ్రహంపై తమకు జీవం జాడ కనిపించలేదన్నారు. అయితే ఈ గ్రహానికి చేరుకోవాలంటే మాత్రం అంత సులభం కాదు. ఎందుకంటే ఇది మన సౌర వ్యవస్థకు సుమారు 111 కాంతి సంవత్సరాల దూరంలో ఉంది.

Do you hate fake news, misleading titles, cooked up stories and cheap analyses?.. We are here for YOU: Team ap7am.com
advertisement

More Flash News
advertisement
..more
advertisement