వైసీపీ నేతల 'ఛలో ఆత్మకూరు'కు పోలీసుల అనుమతి నిరాకరణ!
Advertisement .b
వైసీపీ ప్రభుత్వం తెలుగుదేశం కార్యకర్తలు లక్ష్యంగా వేధింపులకు పాల్పడుతోందని ఆరోపిస్తూ ‘ఛలో ఆత్మకూరు’ కార్యక్రమానికి టీడీపీ పిలుపునిచ్చిన సంగతి తెలిసిందే. పోలీసులు ఇందుకు అనుమతి ఇవ్వకపోయినా టీడీపీ నేతలు పలు మార్గాల ద్వారా ఆత్మకూరుకు చేరుకునేందుకు ప్రయత్నించారు. దీంతో పోలీసులు తెలుగుదేశం నేతలను ఎక్కడికక్కడ అరెస్ట్ చేస్తున్నారు. ఈ క్రమంలో అధికార వైసీపీకి కూడా గుంటూరు పోలీసులు షాక్ ఇచ్చారు. టీడీపీకి పోటీగా వైసీపీ తలపెట్టిన ‘ఛలో ఆత్మకూరు’ కార్యక్రమానికి అనుమతిని నిరాకరించారు.

శాంతిభద్రతల దృష్ట్యా వైసీపీ చేపట్టిన ఛలో ఆత్మకూరు కార్యక్రమానికి అనుమతి నిరాకరిస్తున్నట్లు గుంటూరు గ్రామీణం పోలీసులు తెలిపారు. అంతేకాకుండా వినాయక చవితి, మొహర్రం పండుగల సందర్భంగా ఇప్పటికే ట్రాఫిక్ ఇబ్బందులు తలెత్తుతున్నాయనీ, ఇలాంటి పరిస్థితుల్లో ఛలో ఆత్మకూరుకు అనుమతి ఇవ్వలేమని తేల్చిచెప్పారు. రాజకీయ పార్టీలు తమకు సహకరించాలని విజ్ఞప్తి చేశారు. టీడీపీకి పోటీగా  వైసీపీ నేతలు ఇటీవల గుంటూరు రేంజ్ ఐజీ వినీత్ బ్రిజ్‌లాల్‌ను కలిసి అనుమతి కోరారు. అయినప్పటికీ పోలీసులు వారి  విజ్ఞప్తిని తిరస్కరించారు.
Wed, Sep 11, 2019, 10:35 AM
ఈ వార్తను గ్రూప్ లో షేర్ చేయండి
Do you hate Fake News, Misleading Titles, Cooked up Stories and Cheap Analyses?... We are here for YOU: Team ap7am.com
Advertisement .b
Advertisement .b
Copyright © 2020; www.ap7am.com
Privacy Policy | Desktop View