పాక్ లో సిద్ధూ 'ఆలింగనం'పై పంజాబ్ సీఎం మండిపాటు
Advertisement
ఇమ్రాన్ ఖాన్ ప్రమాణస్వీకార కార్యక్రమానికి ప్రత్యేక అతిధిగా వెళ్ళిన నవజ్యోత్ సింగ్ సిద్దూ.. అక్కడ పాకిస్తాన్ ఆర్మీ చీఫ్ జనరల్ కమార్ జావేద్ బాజ్వాను ఆలింగనం చేసుకోవటంపై విమర్శలు వెల్లువెత్తుతున్న సంగతి విదితమే. ఈ క్రమంలో పంజాబ్ సీఎం అమరీందర్ సింగ్ కూడా సిద్ధూ వ్యవహారశైలిపై అభ్యంతరం వ్యక్తం చేశారు.

ఆ దేశ ఆర్మీ చీఫ్‌ జనరల్‌ కమర్‌ జావేద్‌ బజ్వాను నవజ్యోత్‌ సింగ్‌ సిద్దూ ఆలింగనం చేసుకోవడం తప్పు అన్న అమరీందర్ సింగ్, బాజ్వా పట్ల సిద్ధూ అంత అభిమానం చూపటం సరికాదు అని తన అభిప్రాయాన్ని వెలిబుచ్చారు. అంతేకాదు, ఈ విషయంలో సిద్ధూ చేసిన పనిని సమర్ధించనని, ఆయనకు మద్దతు ఇవ్వనని అన్నారు.
Mon, Aug 20, 2018, 03:21 PM
Copyright © 2018; www.ap7am.com
Privacy Policy | Desktop View