ఆసియన్ గేమ్స్ లో భారత్ బోణీ.. గురి తప్పని షూటర్లు!
Advertisement
ఇండోనేసియాలో ప్రారంభమైన ఏసియన్ గేమ్స్ తొలిరోజే భారత షూటర్లు బోణి కొట్టారు. 10 మీటర్ల ఎయిర్ రైఫిల్ మిక్స్ డ్ టీమ్ ఈవెంట్ లో ఈ రోజు అపూర్వీ చండీలా, రవి కుమార్ జోడీ భారత్ కు కాంస్య పతకం అందించింది.

ఈ పోటీలో చైనీస్ తైపీ జట్టు 494.1 పాయింట్లు సాధించి స్వర్ణ పతకం గెలుచుకోగా, చైనా జట్టు 492.5 పాయింట్లతో రజత పతకం సాధించింది. అపూర్వీ చండీలా, రవి కుమార్ లు ఈ పోటీలో 390.2 పాయింట్లతో కాంస్య పతకం దక్కించుకున్నారు.

ఆదివారం ఇండోనేసియాలోని జకార్తాలో ఏసియన్ గేమ్స్-2018 ప్రారంభమైన సంగతి తెలిసిందే. ఆగస్టు 18 నుంచి సెప్టెంబర్ 2 వరకూ ఈ పోటీలు జకార్తా, పాలెంబంగ్ నగరాల్లో జరగనున్నాయి.
Sun, Aug 19, 2018, 12:36 PM
Copyright © 2018; www.ap7am.com
Privacy Policy | Desktop View