సీఎంగా కొనసాగుతూనే ఢిల్లీపై కన్నేసిన కేసీఆర్... వారసుడిగా కేటీఆర్!

29-04-2018 Sun 09:11

జాతీయ రాజకీయాల్లో సత్తా చాటేలా థర్డ్ ఫ్రంట్ ఏర్పాటుకు వడివడిగా అడుగులు వేస్తున్న తెలంగాణ ముఖ్యమంత్రి కేసీఆర్, రాష్ట్రంలో సీఎంగా కొనసాగుతూనే, ఢిల్లీపై కన్నేశారు. జాతీయ స్థాయిలో చక్రం తిప్పే అవకాశం కోసం చూస్తున్న ఆయన రాష్ట్రంలో తన వారసుడిగా కుమారుడు, ప్రస్తుత ఐటీ, మునిసిపల్ మంత్రి కేటీ రామారావును నిలపాలని భావిస్తూ, ఆయనకు మరిన్ని బాధ్యతలను అప్పగిస్తున్నారు. కాంగ్రెస్, బీజేపీయేతర ప్రభుత్వ ఏర్పాటే లక్ష్యంగా కదులుతున్న ఆయన ఇప్పట్లో సీఎం పదవి నుంచి తప్పుకోబోరని సమాచారం. రెండు రోజుల క్రితం జరిగిన టీఆర్ఎస్ ప్లీనరీలో కేటీఆర్ ను పార్టీ వర్కింగ్ ప్రెసిడెంట్ గా ప్రకటిస్తారన్న వార్తలు వచ్చినప్పటికీ, ఇప్పటికిప్పుడు ఆ పని చేసేందుకు కేసీఆర్ అంగీకరించ లేదని సమాచారం.

2019 ఎన్నికల వరకూ సీఎంగా కేసీఆరే ఉంటారని పార్టీ వర్గాలు స్పష్టం చేస్తున్నాయి. ఈలోగా అన్ని రాష్ట్రాల్లోనూ పర్యటించి, కాంగ్రెస్, బీజేపీలకు ప్రత్యామ్నాయంగా ఫెడరల్ ఫ్రంట్ ఏర్పాటు చేయడమే లక్ష్యంగా అడుగులు వేస్తున్నారు. కాగా, ఇప్పటికే తృణమూల్ కాంగ్రెస్ అధినేత్రి మమతా బెనర్జీ, జేడీ-ఎస్ నేతలు దేవెగౌడ, కుమారస్వామి, జేఎంఎం అధ్యక్షుడు హేమంత్ సోరెన్ తదితరులతో చర్చలు సాగించిన కేసీఆర్, నేడు చెన్నైకి వెళ్లి కరుణానిధి, స్టాలిన్ లతోనూ, మే నెల మొదటి వారంలో ఒడిశా సీఎం నవీన్ పట్నాయక్ తోనూ తృతీయ కూటమి ఏర్పాటుపై చర్చించనున్నారు. యూపీ మాజీ సీఎం అఖిలేష్ యాదవ్ వచ్చే వారం హైదరాబాద్ కు వచ్చి కేసీఆర్ తో మాట్లాడనున్నారు.


More Telugu News
Maaraan movie update
Allu Arjun in Boyapati movie
IT officers issues notices to rickshaw puller
3 Maoists dead in encounter
Hero Lyrical song released
India reports 14306 new cases
Romantic movie update
Chandrababu reaches Delhi
AP CM Jagan Writes letter to Badvel Voters
KCR To be elect TRS chief consecutive 10th time
Is KL Rahul out for a Noball
sattenapalli teacher showing blue films to girl students
Amaravati JAC decided for maha Padayatra from november 1st
UP police busted honey trap gang
Chaos and Anarchy Within Punjab Cong Unit said Manish Tewari
..more