14 ఏళ్ల తరువాత తొలిసారిగా భారత రేటింగ్ ను అప్ గ్రేడ్ చేసిన మూడీస్!

17-11-2017 Fri 12:48

ప్రముఖ ఇంటర్నేషనల్ రేటింగ్ ఏజన్సీ 'మూడీస్ ఇన్వెస్టర్స్ సర్వీస్' 14 సంవత్సరాల తరువాత తొలిసారిగా భారత రేటింగ్ ను అప్ గ్రేడ్ చేస్తున్నట్టు ప్రకటించింది. నరేంద్ర మోదీ ప్రభుత్వం ఏర్పడిన తరువాత తీసుకొచ్చిన ఆర్థిక సంస్కరణలు, భారత మార్కెట్ ను ఆకర్షణీయంగా మార్చాయని చెబుతూ, ప్రస్తుతమున్న 'బీఏఏ3' రేటింగ్ ను 'బీఏఏ2'కు పెంచుతున్నట్టు శుక్రవారం నాడు ప్రకటించింది. 'బీఏఏ2' స్థాయి అంటే, ఇండియాలో క్రెడిట్ రిస్క్ సమతుల్యంగా ఉందని అర్థం. భారత రేటింగ్ ను 2004 నుంచి మూడీస్ మార్చకపోవడం గమనార్హం.

రూపాయి బలపడటం, స్టాక్ మార్కెట్ పయనం, జీఎస్టీ అమలు, డీమానిటైజేషన్ తదితరాల కారణంగానే రేటింగ్ ను సవరిస్తున్నట్టు మూడీస్ వెల్లడించింది. కాగా, ప్రస్తుతం ఫిలిప్పీన్స్, ఇటలీ తదితర దేశాలు 'బీఏఏ2' రేటింగ్ లో ఉండగా, వాటితో సమానంగా ఇండియా నిలిచింది. కాగా, ఈ రేటింగ్ మార్పు గతంలోనే జరిగుండాల్సిందని నరేంద్ర మోదీ ముఖ్య ఆర్థిక సలహాదారు అరవింద్ సుబ్రమణియన్ వ్యాఖ్యానించారు. ఇండియాలో ఎన్నో పెద్ద ఆర్థిక సంస్కరణలు జరుగుతున్నాయని, మూడీస్ రేటింగ్ సవరణ వాటికి లభించిన గుర్తింపుగా భావిస్తున్నామని అన్నారు. మోదీ ప్రభుత్వం సొంత సంస్కరణల అజెండాను అమలు చేస్తూ, ముందడుగు వేస్తోందని అన్నారు.

కాగా, మూడీస్ ప్రకటన స్టాక్ మార్కెట్ ఇన్వెస్టర్ల సెంటిమెంట్ ను అమాంతం పెంచింది. ఈ ఉదయం మార్కెట్లు భారీగా లాభపడ్డాయి. మధ్యాహ్నం 12.45 గంటల సమయానికి సెన్సెక్స్ 336 పాయింట్లు పెరిగింది. నిఫ్టీ 100 పాయింట్లకు పైగా లాభాల్లో నడుస్తోంది. పలు లార్జ్ క్యాప్ సెక్టార్ ఈక్విటీలు రెండు నుంచి మూడు శాతం లాభాల్లో సాగుతున్నాయి. డాలర్ తో రూపాయి మారకపు విలువ రూ. 65 స్థాయి నుంచి కిందకు వచ్చింది.

..Read this also
తగ్గిన అమెరికా ద్రవ్యోల్బణం.. భారీ లాభాల్లో ముగిసిన మార్కెట్లు
  • 515 పాయంట్లు పెరిగిన సెన్సెక్స్
  • 124 పాయింట్లు లాభపడ్డ నిఫ్టీ
  • 2.75 శాతం పెరిగిన యాక్సిస్ బ్యాంక్ షేర్ విలువ


..Read this also
అమ్మకాల్లో ‘టాటా పంచ్’ రికార్డులు
  • పది నెలల్లోనే లక్ష వాహనాల తయారీ
  • ఎస్ యూవీ విక్రయాల్లో సరికొత్త రికార్డు
  • ఒక్క జులై నెలలోనే 11,007 యూనిట్ల అమ్మకాలు

..Read this also
ఒడిశాలో అదానీ గ్రూపు భారీ అల్యూమినియం పరిశ్రమ
  • రాయగడలో రూ.42వేల కోట్లతో ఏర్పాటు
  • ఒడిశా ముఖ్యమంత్రి కార్యాలయం ప్రకటన
  • 4 మిలియన్ టన్నుల సామర్థ్యంతో అల్యూమినియం రిఫైనరీ


More Latest News
Delhi garbage mountains will take 197 years to clear at current pace
India corona updates
Smoked In Dummy Plane says Influencer After Airline Shared Flight Number
Dwayne Bravo becomes first cricketer to take 600 wickets in T20s
Johnson and Johnson to stop selling talc based baby powder globally in 2023
What freebies does Chief Justice of India get asks RLD chief Jayant Chaudhary
ATM washed away in floods in uttarakhand
Rahul Gandhi Shares pictures with sister priyanka gandhi on the eve of Raksha Bandhan
Video of a man smoking on plane goes viral
Disney Plus Hotstars new gem Warrior The ultimate fight between Satya and Guru
UP constable complaint on food quality
Arjun Tendulkar to play for Goa in this domestic season
Visakha RK Beach Sand Transform into Black
Andhrapradesh Govt impose impact fee
Rajasthan Government Bans Animal Fairs to Control Lumpy Skin Disease
..more