బాల గణపతి క్షేత్రం

29-10-2013 Tue 23:21

ప్రాచీనకాలం నుంచి కూడా ప్రపంచ వ్యాప్తంగా వినాయకుడిని ఆరాధిస్తూ వస్తున్నట్టుగా ఆధారాలు వున్నాయి. అనేక క్షేత్రాల్లో వివిధ నామాలతో వినాయకుడు విలసిల్లుతూ వస్తున్నాడు. ఈ నేపథ్యంలో వినాయకుడు స్వయంభువుగా ఆవిర్భవించిన క్షేత్రాలు విశిష్టమైనవిగా ప్రసిద్ధి చెందుతున్నాయి. పాండిచ్చేరిలోని 'యానాం' సిద్ధి గణపతి క్షేత్రం ఈ కోవలోనిదే.

పచ్చని ప్రకృతి ఒడిలో గోదావరి నదీ తీరంలో అలరారుతోన్న వినాయకుడిని భక్తులు 'పిళ్లై యార్' అని పిలుస్తుంటారు. తనని అడ్డుకున్న వినాయకుడి తల ఖండించిన శివుడు, ఆ వెంటనే ఆయనకి ఏనుగు తలని అతికించాడు. దాంతో వినాయకుడిని గుర్తించలేకపోయిన పార్వతీదేవి, శివుడితో '' ఈ పిల్లవాడు ఎవరు ?'' అని అడిగిందట. ఈ కారణంగానే తమిళులు స్వామిని ఈ పేరుతో పిలుస్తూ వుంటారు. దాంతో దీనిని బాలగణపతి క్షేత్రంగా కూడా భావిస్తుంటారు.

చాలాకాలం క్రిందట ఒక తమిళ సాధువు ఈ ప్రదేశంలో బసచేశాడట. ఆ సమయంలోనే ఆయన అక్కడ గల ఒక పుట్టలో గణపతి ప్రతిమ వుండటం గమనించి, దానిని వెలికి తీసి ఆలయాన్ని నిర్మించాడు. స్వామికి 'పిళ్లై యార్' అని నామకరణ చేసి పూజలు ప్రారంభించాడు. ఆనాటి నుంచి స్వామికి నిత్య పూజాభిషేకాలు జరుగుతూ వస్తున్నాయి.

గర్భాలయంలో స్వామి విగ్రహం తేజస్సుతో వెలిగిపోతూ వుంటుంది. ప్రతి బుధవారం ఇక్కడ స్వామివారికి పంచామృతాభిషేకాలు జరుపుతుంటారు. పర్వదినాల్లో ప్రత్యేక పూజలు నిర్వహిస్తుంటారు. ఇక్కడి స్వామిని పూజించడం వలన అనారోగ్యాలు ... ఆపదలు తొలగి శుభాలు కలుగుతాయని స్థానికులు చెబుతుంటారు.


More Bhakti Articles
కుంభకోణంలో పాతాళ శ్రీనివాసుడి సన్నిధి
1 year ago
వశిష్ఠుడు వెన్నతో కృష్ణుడిని చేసి ఆరాధించిన క్షేత్రం
1 year ago
అప్సరసలు .. పేర్లు
1 year ago
మోహనపురంగా పిలవబడే తిరుమోగూర్
1 year ago
వాసలక్ష్మీగా అవతరించిన శ్రీమహాలక్ష్మీ
1 year ago
కణ్వపురం క్షేత్రం ప్రత్యేకత అదే
1 year ago
మార్కండేయుడు స్నానమాచరించిన మృత్యువినాశిని తీర్థం
1 year ago
దొంగలపై విషాన్ని వెదజల్లిన ఆదిశేషుడు
1 year ago
నరసింహస్వామి జయంతి రోజున పూజా ఫలితం
1 year ago
ఉష అనిరుద్ధుల పరిణయం జరిగింది ఇక్కడే
1 year ago
ద్వార లక్ష్మీ పూజా ఫలితం
1 year ago
చైతన్య మహా ప్రభువుగా మారిన గౌరాంగదేవుడు
1 year ago
పూరి క్షేత్రం ప్రత్యేకతలు
1 year ago
వ్యాధులను నివారించే విమలాదిత్యుడు
1 year ago
దైవానికి ఇలా నమస్కరించాలి
1 year ago
..more