విదేశాల్లో వినాయకుడు

07-09-2013 Sat 21:44

వినాయకుడి పటంలేని ఇల్లుగానీ ... ఆయన ఆలయంలేని ఊరుగానీ ... ఆయన అనుగ్రహంలేని విజయంగాని కనిపించవనడంలో ఎలాంటి అతిశయోక్తి లేదు. ఎవరు ఎలాంటి కార్యాన్ని తలపెడుతున్నా ముందుగా చెప్పుకునేది ఆయనకే. తొలి ఆశీస్సులను ఆయన దగ్గరే పొందుతారు ... తొలి ఆహ్వానాన్ని ఆయనకే అందజేస్తారు ... తొలి ఆతిథ్యం ఆయనకే ఇస్తారు. అలా వినాయకుడు ఇలవేల్పుగా ... ఇష్ట దైవంగా తొలి పూజలను అందుకుంటున్నాడు.

తాను స్వయంభువుగా ఆవిర్భవించిన క్షేత్రల్లోనే కాదు, ఇతర దైవ క్షేత్రాల్లో కూడా ఆయన తనదైన ప్రత్యేక స్థానంలో కొలువై కనిపిస్తుంటాడు. ఇక వివిధ రూపాల్లో దర్శనమిచ్చే దైవాల్లో వినాయకుడే ముందువరుసలో కనిపిస్తుంటాడు. అలాంటి వినాయకుడు భారతదేశంలోనే కాకుండా, వివిధ దేశాల్లో సైతం పూజలు అందుకుంటూ వుండటం విశేషం. ఆయా దేశాలలో అనేక రూపాలతో ... వివిధ పేర్లతో పిలవబడే వినాయకుడు ఇన్ని దేశాలను ఇంతగా ప్రభావితం చేశాడా అని అనిపిస్తుంది. జగన్మాత కుమారుడు కాబట్టి ఆయనది కాని ప్రదేశం ... ప్రాంతం ఏముంటాయనిపిస్తుంది.

అమెరికాలో వేల సంవత్సరాల క్రితమే వినాయకుడిని ఆరాధించిన ఆధారాలు వున్నాయి. ఇక్కడి వారు వినాయకుడిని 'లంబోదరుడు' గా కొలుస్తూ వుంటారు. జపాన్ లో సుఖ సంతోషాలను ప్రసాదించే 'సువర్ణ గణపతి' గా పూజలు అందుకుంటూ ఉంటాడు. చైనాలో 'కాంగితేన్' పేరుతో పురాతన కాలం నుంచే వినాయకుడిని ఆరాధిస్తూ వస్తున్నారు. ఇండోనేషియా ప్రజలు 'అయూథియాన్' పేరుతో గణపతిని ప్రార్ధిస్తుంటారు.

కం బోడియా వాసులు కంచుతో వినాయక విగ్రహాలను రూపొందించుకుని 'ప్రాకెనిస్' అనే పేరుతో పూజిస్తుంటారు. ఇక ఇరాన్ లో 'ఆహురంస్థా' అనే పేరుతో వినాయకుడిని అర్చిస్తుంటారు. ఆఫ్గనిస్తాన్ లో వినాయకుడు నుంచుని దర్శనమిస్తే ... భూటాన్ లో పద్మాసనంలో కనిపిస్తాడు. నేపాల్ లో సింహవాహన ధారిగా ... మంగోలియాలో త్రిశూల ధారిగా కొలువై ఉంటాడు.

ఇక సిలోన్ ... బర్మా దేశస్తులు కూడా వినాయకుడిని విఘ్నాలను తొలగించే దేవుడిగానే పూజిస్తూ వుంటారు. అలాగే మెక్సికోలో వినాయకుడిని సంపదలను ఇచ్చే దైవంగా భావించి పూజలు చేస్తుంటారు. ఇలా అనేక దేశాలలో పలునామాలతో పలు విధాలుగా వినాయకుడు పూజించబడుతున్నాడు ... సమస్త జనులకు శుభాలను ప్రసాదించే దేవుడిగా ఆరాధించబడుతున్నాడు.


More Bhakti Articles
కుంభకోణంలో పాతాళ శ్రీనివాసుడి సన్నిధి
1 year ago
వశిష్ఠుడు వెన్నతో కృష్ణుడిని చేసి ఆరాధించిన క్షేత్రం
1 year ago
అప్సరసలు .. పేర్లు
1 year ago
మోహనపురంగా పిలవబడే తిరుమోగూర్
1 year ago
వాసలక్ష్మీగా అవతరించిన శ్రీమహాలక్ష్మీ
1 year ago
కణ్వపురం క్షేత్రం ప్రత్యేకత అదే
1 year ago
మార్కండేయుడు స్నానమాచరించిన మృత్యువినాశిని తీర్థం
1 year ago
దొంగలపై విషాన్ని వెదజల్లిన ఆదిశేషుడు
1 year ago
నరసింహస్వామి జయంతి రోజున పూజా ఫలితం
1 year ago
ఉష అనిరుద్ధుల పరిణయం జరిగింది ఇక్కడే
1 year ago
ద్వార లక్ష్మీ పూజా ఫలితం
1 year ago
చైతన్య మహా ప్రభువుగా మారిన గౌరాంగదేవుడు
1 year ago
పూరి క్షేత్రం ప్రత్యేకతలు
1 year ago
వ్యాధులను నివారించే విమలాదిత్యుడు
1 year ago
దైవానికి ఇలా నమస్కరించాలి
1 year ago
..more