గురువులో వ్యాసుని దర్శించాలి

19-07-2016 Tue 09:33

గురువు అజ్ఞానమనే చీకట్లను పారద్రోలి .. జ్ఞానమనే వెలుగును ప్రసాదిస్తాడు. ఏది సత్యమో .. ఏది నిత్యమో తెలుసుకుని ధర్మబద్ధమైన మార్గంలో నడిపిస్తాడు. ప్రతి ఒక్కరిలోని మానవత్వాన్ని మేల్కొలిపి .. ఆధ్యాత్మిక ప్రయాణంలో ఆనందాన్ని చాటి చెబుతాడు. సఖ్యత .. సమానత్వంలోని గొప్పతనాన్ని అర్థవంతంగా అందిస్తాడు. జీవితానికి అర్థాన్ని .. పరమార్థాన్ని తెలియజేసే గురువులో వ్యాస మహర్షిని దర్శించాలని ఆధ్యాత్మిక గ్రంధాలు చెబుతున్నాయి.

ముఖ్యంగా 'గురుపౌర్ణమి' రోజున గురువులో వ్యాస మహర్షిని చూసుకోవాలి. ఎందుకంటే ఈ రోజున వ్యాస మహర్షి జన్మదినం .. అందువల్లనే దీనిని 'వ్యాస పూర్ణిమ' అని పిలుస్తారు. వేదాలు .. ఇతిహాసాలు .. పురాణాలు ఆయన ప్రసాదించినవే కనుక, ఈ రోజున ఆయనని ధ్యానించాలి. వేదాలలోని ధర్మా ధర్మాలు సామాన్యులకు సైతం అర్థమయ్యేలా చెప్పడానికి ఆయన తన వంతు కృషి చేశారు. మానవులు ఎలాంటి వాటిని ఆశ్రయించాలి .. ఎలాంటి వాటిని ఆచరించకూడదు అనే విషయాన్ని లోకానికి చాటి చెప్పారు. అందుకే ఈ రోజున ఆయనని సేవించాలి.

ఇక తాము గురువుగా కొలిచే ఆదిశంకరులవారి ఆలయాలను .. దత్తాత్రేయ స్వామివారి ఆలయాలను .. శిరిడీ సాయినాథుడు .. రాఘవేంద్రస్వామి వారి ఆలయాలను ఈ రోజున భక్తులు దర్శించుకుని ధన్యులవుతుంటారు. ఈ రోజున పురాణ పఠనం .. విష్ణు సహస్రనామ పారాయణం చేయడం వలన విశేషమైన పుణ్యఫలితాలు లభిస్తాయని ఆధ్యాత్మిక గ్రంధాలు చెబుతున్నాయి.


More Bhakti Articles
కుంభకోణంలో పాతాళ శ్రీనివాసుడి సన్నిధి
11 months ago
వశిష్ఠుడు వెన్నతో కృష్ణుడిని చేసి ఆరాధించిన క్షేత్రం
11 months ago
అప్సరసలు .. పేర్లు
11 months ago
మోహనపురంగా పిలవబడే తిరుమోగూర్
11 months ago
వాసలక్ష్మీగా అవతరించిన శ్రీమహాలక్ష్మీ
11 months ago
కణ్వపురం క్షేత్రం ప్రత్యేకత అదే
11 months ago
మార్కండేయుడు స్నానమాచరించిన మృత్యువినాశిని తీర్థం
11 months ago
దొంగలపై విషాన్ని వెదజల్లిన ఆదిశేషుడు
11 months ago
నరసింహస్వామి జయంతి రోజున పూజా ఫలితం
11 months ago
ఉష అనిరుద్ధుల పరిణయం జరిగింది ఇక్కడే
11 months ago
ద్వార లక్ష్మీ పూజా ఫలితం
11 months ago
చైతన్య మహా ప్రభువుగా మారిన గౌరాంగదేవుడు
11 months ago
పూరి క్షేత్రం ప్రత్యేకతలు
11 months ago
వ్యాధులను నివారించే విమలాదిత్యుడు
11 months ago
దైవానికి ఇలా నమస్కరించాలి
11 months ago
..more