కీర్తి ప్రతిష్ఠలను ప్రసాదించే నరసింహుడు

10-03-2015 Tue 09:50

భక్తుడితో భగవంతుడు ఎంతటి అనుబంధాన్ని కలిగి ఉంటాడో, తన భక్తుడిని కాపాడుకోవడం కోసం భగవంతుడు ఎంతగా ఆరాటపడతాడోననేది ప్రహ్లాదుడి విషయంలో స్పష్టమవుతూ వుంటుంది. తన భక్తులను బాధించేవారి పట్ల భగవంతుడు ఎంతటి ఆగ్రహావేశాలను వ్యక్తం చేస్తాడనేది ఈ సంఘటన నిరూపిస్తూ వుంటుంది. అలాగే సాక్షాత్తు భగవంతుడి ఆగ్రహావేశాలను సైతం భక్తుడి ప్రార్ధన శాంతింపజేయగలదనేది ఈ సంఘటన నిరూపిస్తూ వుంటుంది.

అలా భక్తుడి కోసం అవతరించిన నరసింహస్వామి ఆ భక్తుడిని రక్షించిన తరువాత అనేక ప్రాంతాల్లో లక్ష్మీ సమేతుడై ఆవిర్భవించాడు. అలా స్వామి స్వయంభువుగా ఆవిర్భవించిన క్షేత్రాల్లో ఒకటిగా 'శింగరాయపాలెం' కనిపిస్తుంది. కృష్ణాజిల్లా ముదినేపల్లి మండలంలో ఈ క్షేత్రం కనిపిస్తుంది. నరసింహస్వామి ఆవిర్భవించిన ప్రాచీన క్షేత్రాల్లో ఒకటిగా ఈ క్షేత్రం దర్శనమిస్తుంది. ప్రాచీన వైభవాన్నీ ... చారిత్రక విశేషాలను ఆవిష్కరిస్తూ వుంటుంది.

స్వామివారు కొలువై వుండటం వెనుక ఆసక్తికరమైన కథనాలు వినిపిస్తూ వుంటాయి. స్వామి ఇక్కడ ప్రత్యక్షంగా ఉన్నాడనడానికి అనేక సంఘటనలు నిదర్శనంగా నిలుస్తున్నాయి. ఇక్కడి లక్ష్మీనరసింహుడు కోరిన వరాలను ప్రసాదిస్తూ వుంటాడు. వ్యాధులు ... బాధలు ఏవైనా సరే ఆయనతో చెప్పుకోనంత వరకే వుంటాయని అంటారు.

అయితే ఎవరు ఏది కోరాలనుకున్నా ఆ స్వామి పట్ల అపారమైన విశ్వాసంతో వుండాలని చెబుతారు. ఎలాంటి పరిస్థితుల్లోను స్వామి మహిమల పట్ల సందేహానికి లోనుకావొద్దని అంటారు. అంకితభావంతో స్వామిని పూజిస్తే అడిగిన వరం వెంటే వస్తుందని చెబుతుంటారు. దుష్టశక్తులు పెట్టే బాధలతో .. గ్రహసంబంధమైన ఇబ్బందులతో సతమతమైపోయేవారు, ఈ క్షేత్రంలో అడుగుపెట్టినంత మాత్రాన్నే వాటి నుంచి విముక్తి లభిస్తుందని అంటారు. స్వామి అనుగ్రహంతో కీర్తి ప్రతిష్ఠలు లభిస్తాయని చెబుతారు. విశేషమైన పర్వదినాల్లో స్వామివారిని దర్శించే భక్తుల సంఖ్య అధికంగా వుంటుంది. అందరూ ఆ స్వామిని మనస్ఫూర్తిగా పూజిస్తూ వుంటారు ... పునీతులవుతుంటారు.


More Bhakti Articles
కుంభకోణంలో పాతాళ శ్రీనివాసుడి సన్నిధి
1 year ago
వశిష్ఠుడు వెన్నతో కృష్ణుడిని చేసి ఆరాధించిన క్షేత్రం
1 year ago
అప్సరసలు .. పేర్లు
1 year ago
మోహనపురంగా పిలవబడే తిరుమోగూర్
1 year ago
వాసలక్ష్మీగా అవతరించిన శ్రీమహాలక్ష్మీ
1 year ago
కణ్వపురం క్షేత్రం ప్రత్యేకత అదే
1 year ago
మార్కండేయుడు స్నానమాచరించిన మృత్యువినాశిని తీర్థం
1 year ago
దొంగలపై విషాన్ని వెదజల్లిన ఆదిశేషుడు
1 year ago
నరసింహస్వామి జయంతి రోజున పూజా ఫలితం
1 year ago
ఉష అనిరుద్ధుల పరిణయం జరిగింది ఇక్కడే
1 year ago
ద్వార లక్ష్మీ పూజా ఫలితం
1 year ago
చైతన్య మహా ప్రభువుగా మారిన గౌరాంగదేవుడు
1 year ago
పూరి క్షేత్రం ప్రత్యేకతలు
1 year ago
వ్యాధులను నివారించే విమలాదిత్యుడు
1 year ago
దైవానికి ఇలా నమస్కరించాలి
1 year ago
..more