శివారాధనకి ఆటంకం కలిగిస్తే ?

29-07-2014 Tue 11:50

పరమశివుడు తన భక్తులను ఇబ్బందులకు గురిచేసినా ... వారి ఆరాధనకు ఆటంకాలను సృష్టించినా ఎంతమాత్రం సహించడు. ఆదిదేవుడు భక్తుల పట్ల ఎంత కరుణ కురిపిస్తాడో, ఆ భక్తుల ఆరాధనకి అడ్డుపడినవారి పట్ల అంత నిర్దయగానూ వ్యవహరిస్తూ వుంటాడు. మార్కండేయుడి జీవితంలోని ఓ సంఘటన ఇందుకు నిదర్శనంగా కనిపిస్తూ వుంటుంది.

మార్కండేయుడి వయసు పదహారు సంవత్సరాలు పూర్తికావొస్తూ ఉండటంతో, ఆ పరమేశ్వరుడి అనుగ్రహాన్ని కోరుతూ తపస్సు చేయసాగాడు. ఇతరుల తపస్సుకు భంగం కలిగించే దేవేంద్రుడు, అలవాటు ప్రకారం మార్కండేయుడి తపస్సు కూడా ఫలించకుండా చేయాలని నిర్ణయించుకుంటాడు. అనుకున్నదే తడవుగా ... మార్కండేయుడి మనసుని మళ్లించమని చెప్పి ఓ అప్సరసను ఆదేశిస్తాడు.

అప్పుడప్పుడే యవ్వన దశలోకి అడుగుపెడుతోన్న మార్కండేయుడి తపస్సుకి భంగం కలిగించడానికి ఆ అప్సరస అయిష్టతను వ్యక్తం చేస్తుంది. అమరలోకంలో ఆమెకి స్థానం లేకుండా చేస్తానని దేవేంద్రుడు హెచ్చరించడంతో అయిష్టంగానే అందుకు సిద్ధపడుతుంది. మార్కండేయుడి శివారాధనకు అడ్డుపడి, శివాగ్రహానికి గురవుతుంది. ఫలితంగా ఆమె రూపం వికృతంగా మారిపోతుంది.

బాధతో ఆమె విలపిస్తూ వుండగా ఈ లోకంలోకి వచ్చిన మార్కండేయుడు, విషయం తెలుసుకుంటాడు. అజ్ఞానంతో ఆమె చేసిన పనిని క్షమించి, పూర్వ రూపాన్ని ప్రసాదించమని శివుడిని కోరతాడు. దాంతో పూర్వ రూపాన్ని పొందిన అప్సరస ఆనందంతో పొంగిపోతుంది. తన తప్పును మన్నించమంటూ మార్కండేయుడి పాదాలకు నమస్కరిస్తుంది.


More Bhakti Articles
కుంభకోణంలో పాతాళ శ్రీనివాసుడి సన్నిధి
1 year ago
వశిష్ఠుడు వెన్నతో కృష్ణుడిని చేసి ఆరాధించిన క్షేత్రం
1 year ago
అప్సరసలు .. పేర్లు
1 year ago
మోహనపురంగా పిలవబడే తిరుమోగూర్
1 year ago
వాసలక్ష్మీగా అవతరించిన శ్రీమహాలక్ష్మీ
1 year ago
కణ్వపురం క్షేత్రం ప్రత్యేకత అదే
1 year ago
మార్కండేయుడు స్నానమాచరించిన మృత్యువినాశిని తీర్థం
1 year ago
దొంగలపై విషాన్ని వెదజల్లిన ఆదిశేషుడు
1 year ago
నరసింహస్వామి జయంతి రోజున పూజా ఫలితం
1 year ago
ఉష అనిరుద్ధుల పరిణయం జరిగింది ఇక్కడే
1 year ago
ద్వార లక్ష్మీ పూజా ఫలితం
1 year ago
చైతన్య మహా ప్రభువుగా మారిన గౌరాంగదేవుడు
1 year ago
పూరి క్షేత్రం ప్రత్యేకతలు
1 year ago
వ్యాధులను నివారించే విమలాదిత్యుడు
1 year ago
దైవానికి ఇలా నమస్కరించాలి
1 year ago
..more