హనుమంతుడి కార్యదీక్ష అటువంటిది

19-06-2014 Thu 16:44

సాధారణంగా ఒక కార్యభారాన్ని స్వీకరించినప్పుడు దానిని ఎంతో జాగ్రత్తగా ... నేర్పుగా పూర్తిచేయవలసి వుంటుంది. ఆ కార్యాన్ని అప్పగించినవారికి తమపై గల విశ్వాసాన్ని గుర్తుచేసుకుంటూ, కార్యభంగం కాకుండా నడచుకోవాలి. ఈ విషయంలో ఏ మాత్రం నిర్లక్ష్యంగా వున్నా ... బద్ధకం వహించినా ... తొందరపడినా ఒక్కోసారి సరిదిద్దుకోలేని తప్పు జరిగిపోతూ వుంటుంది.

అందువలన కార్యభారాన్ని స్వీకరించిన తరువాత అనుక్షణం అప్రమత్తతో వ్యవహరిస్తూ, అవసరమైన చోట బుద్దినీ ... పరాక్రమాన్ని ఉపయోగిస్తూ ముందుకుసాగాలి. ఎవరైతే కార్యభారాన్ని అప్పగిస్తారో, వారిపై సేవకులకు గల ప్రేమాభిమానాలే ఆ కార్యాన్ని అంకిత భావంతో పూర్తి చేయడానికి దోహదం చేస్తుంటాయని చెప్పొచ్చు. శ్రీరామచంద్రుడు ... హనుమంతుడు విషయంలో ఇదే మనకి స్పష్టంగా తెలుస్తూ వుంటుంది.

రాముడి కోరిక మేరకు సీతాన్వేషణకు హనుమంతుడు బయలుదేరుతాడు. శ్రీరాముడి మాటలను బట్టి ఆయన భార్యను ఎంతగా ప్రేమిస్తున్నాడో గ్రహిస్తాడు. అలాగే సీతమ్మవారిది ఎంతటి సున్నితమైన మనసో అర్థం చేసుకుంటాడు. ఇక ఆమెను అపహరించిన రావణుడు ఎంతటి పరాక్రమవంతుడో ఊహిస్తాడు. ఇక్కడ శ్రీరాముడి మనసు తేలిక పడాలన్నా ... అక్కడ సీతమ్మ తల్లికి ధైర్యంగా ఉండాలన్నా తన అన్వేషణా కార్యక్రమం సాధ్యమైనంత త్వరగా పూర్తిచేయాలని నిర్ణయించుకుంటాడు.

ధృఢ నిశ్చయంతో ఆయనలా ఆకాశ మార్గాన ప్రయాణిస్తూ వుంటాడు. బాగా అలసిపోయినా కార్యదీక్షతో ముందుకి సాగుతుంటాడు. మార్గ మధ్యంలో ఆయనకి 'మైనాకుడు' (పర్వతుడు) తారసపడతాడు. తనపై కాసేపు విశ్రాంతి తీసుకోవలసిందిగా కోరతాడు. రామ కార్యాన్ని సాధించడానికి వెళుతున్నానంటూ, మైనాకుడి అభ్యర్థనను హనుమంతుడు సున్నితంగా తిరస్కరిస్తాడు.

కన్నీళ్లు దాచుకోవడానికి ప్రయత్నిస్తోన్న శ్రీరాముడి మోము తన కనులముందు కదలాడుతుండగా, తాను విశ్రాంతి తీసుకోలేనని మైనాకుడితో హనుమంతుడు చెబుతాడు. రాముడి కళ్లలో ఆనందం చూసే వరకూ తాను సమయాన్ని వృథా చేయదలచుకోలేదని అంటాడు. హనుమంతుడి కార్యదీక్షను మైనాకుడు అభినందించగా, తన పట్ల చూపిన అభిమానానికి ఆయనకి కృతజ్ఞతలు తెలుపుతూ హనుమంతుడు ముందుకు సాగిపోతాడు.


More Bhakti Articles
కుంభకోణంలో పాతాళ శ్రీనివాసుడి సన్నిధి
1 year ago
వశిష్ఠుడు వెన్నతో కృష్ణుడిని చేసి ఆరాధించిన క్షేత్రం
1 year ago
అప్సరసలు .. పేర్లు
1 year ago
మోహనపురంగా పిలవబడే తిరుమోగూర్
1 year ago
వాసలక్ష్మీగా అవతరించిన శ్రీమహాలక్ష్మీ
1 year ago
కణ్వపురం క్షేత్రం ప్రత్యేకత అదే
1 year ago
మార్కండేయుడు స్నానమాచరించిన మృత్యువినాశిని తీర్థం
1 year ago
దొంగలపై విషాన్ని వెదజల్లిన ఆదిశేషుడు
1 year ago
నరసింహస్వామి జయంతి రోజున పూజా ఫలితం
1 year ago
ఉష అనిరుద్ధుల పరిణయం జరిగింది ఇక్కడే
1 year ago
ద్వార లక్ష్మీ పూజా ఫలితం
1 year ago
చైతన్య మహా ప్రభువుగా మారిన గౌరాంగదేవుడు
1 year ago
పూరి క్షేత్రం ప్రత్యేకతలు
1 year ago
వ్యాధులను నివారించే విమలాదిత్యుడు
1 year ago
దైవానికి ఇలా నమస్కరించాలి
1 year ago
..more