పీటపై వెలసిన స్వామివారి పాదముద్రలు !

06-06-2014 Fri 15:11

అక్కల్ కోటకి చెందిన ఒక భక్తుడు స్వామివారిని అనునిత్యం ఆరాధిస్తూ ఉండేవాడు. స్వామిని ఎప్పుడు చూడాలనిపించినా వెంటనే వెళ్లి ఆయన దర్శనం చేసుకుని వచ్చేవాడు. అయితే ఎప్పుడూ కూడా ఆయన తన కోసం ఏమీ కోరుకోకపోవడం స్వామికి ఆశ్చర్యాన్ని కలిగిస్తుంది. ఒకసారి ఆ భక్తుడు తన ఇంట్లోని పూజా మందిరం చెంత కూర్చోబోతుండగా, అక్కల్ కోట స్వామి స్వయంగా ఆయన ఇంటికి వస్తాడు.

హఠాత్తుగా తన ఇంట్లో ప్రత్యక్షమైన స్వామివారిని చూసి ఆయన తన కళ్లను తానే నమ్మలేకపోతాడు. తన ఇంట్లో స్వామి అడుగుపెట్టడం తాను పూర్వజన్మలో చేసుకున్న పుణ్యంగా భావించి ఆయన పాదాలకు నమస్కరిస్తాడు. అక్కల్ కోట స్వామిని సాదరంగా ఆహ్వానించి, ఆయనను ఓ పీటపై కూర్చోబెడతాడు. పూజా మందిరంలో భగవంతుడికి సమర్పించడం కోసం తెచ్చిన వివిధ రకాల పూలను ... ఫలాలను అత్యంత భక్తి శ్రద్ధలతో స్వామికి సమర్పిస్తాడు.

ఇలా ప్రతి రోజు పూజా సమయానికి స్వామి ఆ భక్తుడి ఇంటికి చేరుకునేవాడు. దేవుడే తన ఇంటికి ప్రత్యక్షంగా వచ్చాడని భావించిన ఆయన, నేరుగా స్వామినే పూజిస్తూ ఉండేవాడు. ఇలా కొంతకాలం గడిచిపోతుంది ... స్వామిపట్ల ఆ భక్తుడికి గల విశ్వాసం మరింత బలపడుతుంది. అతని అంకితభావం నచ్చడంతో, తన నుంచి ఏం కావాలన్నా అడగమని అంటాడు స్వామి. జీవితాంతం ఆయన పాదాలను సేవించుకునే భాగ్యాన్ని కల్పించమని కోరతాడు ఆ భక్తుడు.

తనపట్ల అతనికి గల విశ్వాసం స్వామి మనసును గెలుచుకుంటుంది. ఆ వరాన్ని అనుగ్రహిస్తున్నట్టుగా చెప్పేసి, స్వామి అక్కడి నుంచి వెళ్లిపోతాడు. అప్పటి వరకూ స్వామివారు కూర్చున్న పీటపై ఆయన పాదముద్రలు ఉండటం చూసి ఆ భక్తుడు ఆనందాశ్చర్యలకి లోనవుతాడు. ఆనాటి నుంచి చివరినిమిషం వరకూ ఆయన ఆ పాదుకలను విడవలేదు ... వాటి సేవను మరువలేదు.


More Bhakti Articles
కుంభకోణంలో పాతాళ శ్రీనివాసుడి సన్నిధి
1 year ago
వశిష్ఠుడు వెన్నతో కృష్ణుడిని చేసి ఆరాధించిన క్షేత్రం
1 year ago
అప్సరసలు .. పేర్లు
1 year ago
మోహనపురంగా పిలవబడే తిరుమోగూర్
1 year ago
వాసలక్ష్మీగా అవతరించిన శ్రీమహాలక్ష్మీ
1 year ago
కణ్వపురం క్షేత్రం ప్రత్యేకత అదే
1 year ago
మార్కండేయుడు స్నానమాచరించిన మృత్యువినాశిని తీర్థం
1 year ago
దొంగలపై విషాన్ని వెదజల్లిన ఆదిశేషుడు
1 year ago
నరసింహస్వామి జయంతి రోజున పూజా ఫలితం
1 year ago
ఉష అనిరుద్ధుల పరిణయం జరిగింది ఇక్కడే
1 year ago
ద్వార లక్ష్మీ పూజా ఫలితం
1 year ago
చైతన్య మహా ప్రభువుగా మారిన గౌరాంగదేవుడు
1 year ago
పూరి క్షేత్రం ప్రత్యేకతలు
1 year ago
వ్యాధులను నివారించే విమలాదిత్యుడు
1 year ago
దైవానికి ఇలా నమస్కరించాలి
1 year ago
..more