అక్షయ తృతీయన ఈ దానాలు చేయాలి
వైశాఖ శుద్ధ తదియ రోజు 'అక్షయ తృతీయ'గా చెప్పబడుతోంది. ఈ రోజున ఏ పుణ్య కార్యం చేసినా దాని ఫలితం అక్షయంగా ఉంటుందని ఆధ్యాత్మిక గ్రంధాలు చెబుతున్నాయి. ఈ రోజున మంచినీటిని దానం చేయడం వలన, రానున్న జన్మలు ఎలాంటివైనా దాహంతో బాధపడవలసిన పరిస్థితి ఉండదని స్పష్టం చేస్తున్నాయి.

అంతేకాదు ఈ రోజున పాద రక్షలను .. గొడుగును .. ఆవును .. బంగారాన్ని .. వస్త్రాలను .. భూమిని దానం చేయడం మంచిదని ఆధ్యాత్మిక గ్రంధాలు అంటున్నాయి. ఈ పుణ్య ఫల విశేషం కారణంగా .. సుఖశాంతులతోను .. సంపదలతోను కూడిన జీవితం లభిస్తుందని చెబుతున్నాయి. ముందుజన్మలకి అవసరమైన పుణ్య ఫలాలను సంపాదించుకోవడానికి లభించిన 'అక్షయ తృతీయ' అనే అవకాశాన్ని ఎలాంటి పరిస్థితుల్లోను వదులుకోకూడదు.         
Copyright © 2017; www.ap7am.com