Ap7am Home
menu ☰

ముక్తిని ప్రసాదించే శివలింగ ఆరాధన

ఏ శైవ క్షేత్రానికి వెళ్లినా పరమశివుడు అక్కడ లింగరూపంలో దర్శనమిస్తూ ఉంటాడు. దేవతలు .. మహర్షులు లింగరూపంలోని శివుడిని అనునిత్యం కొలుస్తుంటారు. ఎంతోమంది మహా భక్తులు ఆ సదాశివుడి నామ స్మరణలోనే తరించారు. మరెంతో మంది ఆ స్వామిని సేవిస్తూ ముక్తిని పొందారు. కల్పం చివరిలో జరిగే ప్రళయ కాలంలో సమస్త జగత్తు సహా దేవతలంతా కూడా శివలింగంలోనే కలిసిపోతారు.

ఆ తరువాత జరిగే కల్పం ఆరంభ సమయంలో .. బ్రహ్మాండం అంతా కూడా శివలింగం నుంచే పుడుతుందని ఆధ్యాత్మిక గ్రంధాలు చెబుతున్నాయి. భూమి పీఠ భాగమైతే .. ఆకాశమే లింగ భాగం. సమస్త దేవతలు ఆ లింగ భాగంలోనే ఉంటారని ఆధ్యాత్మిక గ్రంధాలు స్పష్టం చేస్తున్నాయి. అందువలన ఒక్క శివలింగాన్ని ప్రతిష్ఠించడం వలన, సమస్త దేవతలను ప్రతిష్ఠించిన ఫలితం కలుగుతుందని చెబుతున్నాయి. అలాంటి శివలింగాన్ని నిత్యం పూజించడం వలన ముక్తి కలుగుతుంది.         
Twitter Icon
Whatsapp Icon
Facebook Icon
Mon, Apr 17, 2017, 08:55 AM
Agency: ap7am Desk
Copyright © 2017; www.ap7am.com